انتقد الإعلامي أحمد شوبير حارس مرمى الأهلي ومنتخب مصر السابق، فريق الكرة الأول بنادي الزمالك بعد التعادل مع المقاولون العرب سلبيا في الجولة الثانية من الدوري.
وقال أحمد شوبير في تصريحات إذاعية اليوم الأحد: «كل المعطيات كانت بتقول الزمالك يكسب المقاولون، لكن الزمالك لم يفز والاكثر من كده الزمالك مكانش كويس والاحصائيات في المباراة ملقتش فيها أي حاجة للزمالك بالعكس صبحي أنقذ كرة قوية من ضربة رأس قوية للمقاولون».
وتابع شوبير: «الزمالك مفيش هجوم مفيش تسديد مفيش فرص طيب عدي الدباغ ده هحكم عليه ازاي مفيش أي كرات اتعملت له، وناصر ماهر مكانش كويس فالزمالك غاب، وجمهورالزمالك كثير كان في المدرجات وبيشجع بقوة، لكن في النهاية مفيش ضغط مفيش هجوم مفيش فرص ضائعة».
وأوضح شوبير: «تعادل الزمالك ليس مفاجأة لإن الزمالك لم يقدم ما يستحق به الفوز، والغريب إن جماهير الزمالك بتقول كده لكن لما أنا بقوله يزعلوا، ده أنا إمبارح أبوالسعود محمد حارس مرمى المقاولون العرب معرفتش لون التي شيرت بتاعه أيه!».