علق مجدي عبدالغني، نجم الأهلي السابق، على اعتذار محمود الخطيب، رئيس القلعلة الحمراء، من الترشح لانتخبات النادي المقبلة.
وقال مجدي عبدالغني، في تصريحات تلفزيونية عبر فضائية «الشمس»: «احنا اتعودنا في الأهلي إن في مبادئ من ضمن المبادئ لما نشوف حاجة غلط منسكتش عليها، أومال علمتوهالنا ليه؟ إحنا كان عندنا رئيس نادي لما رئيس الجمهورية نزل من الطيارة بعت مدير عام النادي يستقبله»؟.
وأضاف: «احنا كان عندنا رئيس نادي مش عايز حاجة من حد راجل عفيف، ممكن يكون عنده أخطاء لكن لما نذكر حساناته أنه راجل عفيف ومبيطلبش حاجة من حد وبيحب النادي الأهلي، عشان كده صالح سليم، اتعمله تمثال جوه النادي، وكان بيسيب النادي 7 شهور لحسن حمدي، وباقي مجلس الإدارة يدير»
وتابع: «ده اللي عيشناه واللي حسام غالي بيتكلم عليه، محدش يقدر يتكلم على محمود الخطيب، وأحد أساطير كرة القدم المصرية، اللي أعطى للنادي الأهلي كلاعب وعضو مجلس إدارة ونائب الرئيس ورئيس نادي».
وواصل: «لا يقف النادي الأهلي لا عند صالح سليم، ولا مختار التتش، ولا عند حسن حمدي ولا عند أتخن تخين، النادي الأهلي ماشي بولاده، النادي الأهلي، هو النادي الأهلي، عمره ما يقف على حد».
وأكمل: «النادي الأهلي زي ما هو نادي القرن ونادي بطولات وأكتر نادي بيحقق بطولات، هو في حد مخلد! لما الخطيب، يقول مش هدخل الاهلي نظرًا لظروفه الصحية، إيه الدوشة دي! الكابتن الخطيب مبيدورش على منصب، هو لازم الواحد يموت في المكان اللي هو فيه، الراجل قال إنه تعبان ومش هيقدر يكمل، مفيش إنجاز عمله الخطيب هيتنسي».
وتابع: «طلعوني بقى أبولهب وبقول أي كلام، أنا بقول الحقائق، أنا بقول اتعلمت ده من مبادئ الأهلي، أنا شوفت الأهلي بيوقف لعيبة كبار، عشان تطاولوا على النادي، أنا شوفت الأهلي بيقعد أتخن تخين».
وأتم: «الخطيب، قال إنه تعبان ومحتاج راحة، وإنتوا عايزين الكابتن الخطيب، يبقى موجود، وإنتو تديروا من وراه«.