تداول رواد مواقع التواصل الاجتماعي خلال الساعات القليلة الماضية، أنباء عن القبض على الفنان حسام حبيب، قبل أن توضح الإعلامية بسمة وهبة حقيقة القبض على حسام حبيب، خلال بث مباشر عبر حسابها الرسمي بموقع «إنستجرام».
ونفى حسام حبيب شائعة القبض عليه قائلا: « انا فوجئت بانتشار الأخبار دي.. أنا موجود في بيتي وبمارس حياتي بشكل طبيعي، وما اتقبضش عليا، وشيرين في بيتها، وأنا في مكان وهي في مكان تاني».
وأضاف: «إشاعة القبض عليا مش مظبوطة ومعروف مين بيطلعها دي حملة ممنهجة ضدي والمرة دي فيها غلط كبير لأن في تسريب لتحقيقات النيابة وكل مرة أنا مش برضى أتخذ أي إجراء إكراما لشيرين ومش فاهم ليه الشخص دا قلبه عامل كده جايب اللي جواه دا منين، أنا مستني ربنا هيجيبلي حقي».
وتابع حسام حبيب: «ضغط الناس عليا بيخوفني، يعني الأخ دا بدل ما يشوه أخته ويشوهني يروح يبص على أخته مرة واحدة بدل ما هو مضيع وقته في الكلام دا، وقت خناقاتنا كان بيتقالها كلام مش حقيقي زي دلوقتي، هو عنده القدرة يضحك على شعوب ولازم الناس تقف له، بس هو عامل حساب أن اللي قدامه مش بيقفله حفاظا على العشرة وأخته، لكن أقسم بالله مش هسيب حقي».
واختتم حسام حبيب حديثه: «أنا مش هسيب شيرين تتأذي عشان خايف من الناس أنا عايز الناس تقف معايا لحد ما ربنا يظهر الحقيقة، لو موقفتش جنبها مين هيقف جنبها إذا كان أقرب الناس اللي من دمها مش بيطلوا عليها، أنا بطلب من الناس تمشي ورا الكداب لحد باب الدار».