تحدث مصطفى يونس، نجم الأهلي السابق، عن الأزمة الدائرة حاليًا مع مجلس إدارة النادي برئاسة محمود الخطيب، بسبب اتهاماته الدائمة ضد الإدارة.
وقال مصطفى يونس عبر قناته على منصة «يوتيوب»: «أنا مش بخاف غير من اللي خالقني طول عمري، أتمنى إن يتقدم بلاغ ضدي وأروح النيابة».
وأضاف: «لأن اللي بيحصل ده ولا في التاريخ، مصطفى يونس أكثر واحد بيحب الأهلي، يشرفني إن أنا أتحاكم عشان الأهلي».
وأكمل: «هيقولوا مصطفى يونس أتكلم كلام محدش يقدر يتكلموا، اللي بيحموا المنظومة دي بالاسم، أروح أقول للنائب العام واحد اثنين ثلاثة أربعة، خاصة بعدما النسب زادت، كانت 30% وزادت».
وتابع: «أنا هتكلم في اللي يهمني الأهلي، لما يقولوا لولادي أبوكم اتحبس عشان الأهلي، ده شرف لولادي، وشرف ليا، أحسن ما يقولوا أبوك كان حرامي وكان بيبيع وكان بيدار».