وجه أحمد أبومسلم نجم النادي الأهلي السابق، هجوم ناري ضد لاعبي فريق الكرة الأول بالقلعة الحمراء، بسبب تراجع نتائج الفريق في المباريات الأخيرة بالدوري الممتاز.
وقال أبومسلم في مداخلة هاتفية عبر برنامج البريمو المذاع على شاشة «تن»: «لعيبة الأهلي لازم تفوق وتعرف قيمة النادي، لازم اقاتل لحد آخر دقيقة، الفترة اللي فاتت قعدنا نقول ريبيرو مأداش وبعدين جيه عماد النحاس نفس الكلام، يبقى المشكلة مش هنا ولا هنا المشكلة في اللعيبة نفسها وشخصيتها».
وأضاف: «في أندية لسه طالع الدوري الممتاز بقيت تالت الدوري وفرق كبير في النقاط بينك وبينهم، يعني إية الأهلي ياخد 6 نقاط من 5 ماتشات لا كتير أوي الفرق ده».
وتابع: «لعيبة الأهلي لازم تركز في المباريات القادمة، عندنا ماتش مهم أمام سيراميكا فرقة عندها حلول ومعاها مدير فني محترم علي ماهر».
وواصل: «بوجه رسالة لـ كابتن عماد النحاس، الكويس يلعب صغير أو كبير، متبصش لأسماء مهما كان اسمه وجاي بكام، إنت بتلعب على بطولة، الفترة الجاية مش عايزة هزار».
وأتم أبومسلم تصريحاته قائلًا: «كمان يتقفل الكلام عن تجديد العقود والكلام ده، اللي يتكلم برا النادي، والأهلي مبيقفش على حد ولو بيقف كان زمان الخطيب بيلعب لحد دلوقتي، الفترة اللي فاتت كان فيها دلع كتير».