رد الإعلامي مصطفى بكري على عمرو موسى، الأمين العام الأسبق لجامعة الدول العربية، عقب هجومه على عبدالناصر، قائلا: «بين الحين والآخر يخرج علينا عمرو موسى مهاجمًا الرئيس الراحل جمال عبدالناصر، واصفًا إياه بألفاظ غير دقيقة ومتناقضة مع التاريخ، عبدالناصر كان زعيمًا وطنيًا ديمقراطيًا مخلصًا، ترك أثرًا خالدًا في مصر والعالم العربي والإفريقي».
وأضاف خلال تقديمه برنامج «حقائق وأسرار»، والمذاع على قناة «صدى البلد»: «يعني بصراحة، عمرو موسى بيقول أحيانًا عبدالناصر ديكتاتور، وأحيانًا يقول ده بيجيب أكل من بره.. الكلام ده مش موضوعي خالص، وبصراحة أصفه بكلمة واحدة: هرتلة آخر العمر».
وتابع مصطفى بكري: «الناس لسه عايشة في حب عبدالناصر، اذهبوا إلى أفريقيا واسمعوا موسيفيني قال إيه عنه، وحتى رئيس فيتنام لما زار بيت جمال عبدالناصر كان بيتكلم عنه باحترام كبير. الفن والثقافة والمسرح والسينما كل ده كان في زمن عبدالناصر، أما الحرية اللي بيحكوها دلوقتي للرأسماليين والمتآمرين، فده مش حرية، ده إهدار لكل حاجة جميلة على أرض مصر».
واختتم بكري: «عبدالناصر عاش رغم كل المعادين، ولسه عايش في قلوبنا، وهنعلّم أولادنا وأحفادنا ونحكي عنه، ده قائد تاريخي مش هيتنسي أبدًا».