كشف الفنان يوسف رأفت، عن مواجهته الكثير من التحديات والصعوبات في بداية دخوله مجال الفن، وذلك عقب النجاح الكبير الذي حققه بمشاركته في مسلسل «سيد الناس» الذي عرض خلال موسم دراما رمضان 2025.
وأوضح يوسف رأفت، عبر حسابه الرسمي بموقع تداول الصور والفيديوهات «إنستجرام»، أنه كان يتقاضى بإحدى مكاتب الكاستنج 40 جنيها، قائلا: «عمري ما هنسى البداية شغل في مكتب كاستنج بـ 40 جنيه في اليوم، وشغل مجاميع وسط ناس كتير محدش واخد باله مني، كنت برجع البيت مكسور، حاسس إني صغير أوي، لكن جوايا يقين كبير إن ربنا شايف وبيكتبلي طريق».
وأضاف يوسف رأفت: «الطريق كان مُر مليان خوف وشك وتعب، بس الحقيقة إن اللحظات اللي كادت تكسرني هي نفسها اللي بنتني كل دمعة نزلت كانت دعوة، وكل صبر مر كان باب نعمة مفتوح مستني أوانه».
وتحدث يوسف رأفت عن سعادته بنجاحه، قائلا: «النهاردة لما أبص ورايا، أعرف إن ربنا كريم أوي، كريم لدرجة إنه يرفعك من ولا حاجة ويخليك تبقى حاجة من مكان محدش يعرف اسمك فيه، لمكان الناس كلها تبصلك وتقول: سبحان من بيده كل شيء».
وتابع: «رسالتي لأي حد بيحلم متستهونش بالبدايات البسيطة، لأن ربنا قادر يحول أضعف بداية لأعظم نهاية، الحمد لله على كل خطوة، والحمد لله أكثر على النعم اللي عمري ما توقعت أوصلها، ولسه اللي جاي مع ربنا أعظم».
والجدير بالذكر، أن آخر أعمال يوسف رأفت، مشاركته في مسلسل «سيد الناس» الذي عرض ضمن أعمال الموسم الدرامي لمسلسلات رمصان 2025.