كشف الإعلامي أحمد شوبير رسائل نارية من إبراهيم حسن مدير منتخب مصر قبل مواجهة أثيوبيا والمقرر لها مساء غد الجمعة.
ومن المقرر أن يواجه منتخب مصر نظيره إثيوبيا مساء غدا الجمعة، في تمام الساعة العاشرة مساءًا، ضمن الجولة السابعة من التصفيات المؤهلة لكأس العالم.
وقال شوبير في تصريحات إذاعية:«بقالي فترة متكلمتش مع إبراهيم حسن ولا حسام حسن، إمبارح لقيت إبراهيم، باعتلي رسالة وماسحها اتخضيت بعدها كلمته وخدنا مكالمة مطولة مع بعض وهنقل ليكم تفاصييل رساالته».
وتابع:«إبراهيم قالي بص يا كابتن أحنا قافلين بُقنا ومش بنتكلم، قولتله حلو أحنا عايزين كدا وعندك 5 أيام حاسمة وارجوك لا تهتم بالصغائر».
وأضاف:«الكابتن قال أحنا مش بنظلم حد وبنحاول بقدر الإمكان نكون أمناء في الاختيارات وكل شيء ومعندنش هدف غير أننا نوصل لكأس العالم في الوقت الحالي، ومحتاجين دعم المنظومة كلها وبتوصلنا كلّ الرسايل والحاجات وشايفين أن دا مش وقته، ولو أحنا مش بندرب كنا هندعم المنتخب في الوقت دا».
وأتم:«قالي يا كابتن نفسي الجمهور يبقي موجود لأنه هو السلاح والوقود وعايز أبعت رسالة للاعبين اللي ليهم كباتن زي شوبير وابراهيم وصلاح، وعايزينك توصل رسالة لجيل تسعين ونتمني يكون ليهم مكان مخصص في الاستاد ونشوفهم كلهم في الماتش بيدعمونا».