شهدت حلقة النجم أحمد سعد في برنامج «معكم منى الشاذلي» على قناة ON لحظة مؤثرة، بعدما دخلت ابنته الكبرى جودي فجأة إلى الأستوديو، وقدمت أغنية باللغة الإنجليزية أمام الجمهور ووالدها.
جودي تحدثت عن حبها للغناء مؤكدة أنها ورثت موهبة الصوت من والدها، وقالت: «بابا نفسه أعيش حياة مستقرة ومش عايزني أغني، وأنا متفهمة ده طبعا، لكن بحس لو عندنا موهبة لازم نشاركها مع الناس ولو مرة أو مرتين، ولو ربنا كتب لنا النجاح يبقى ده نصيبنا».
وعلّقت على الانتقادات التي يتعرض لها والدها، موضحة أنها لا تنزعج منها: «بالعكس، الانتقادات بتفرحني لأنه دايما بيحاول يتطور بعد ما يسمعها، وده بيخليه أحسن، وكشخص هو لذيذ جدا».
أما أحمد سعد فكشف عن علاقة خاصة تربطه بابنته قائلا: «طول عمري جريء وصريح، لكن قدام جودي بتكسف، هي أغلى حاجة عندي، ومن خلالها عرفت نوع حب جديد ما دقش على قلبي قبل كده، هي أول بنت في حياتي».