كشفت الفنانة بدرية طلبة، سر صمت وفاء عامر وعدم ردها على اتهامات تجارة الأعضاء وغيرها، بالإضافة إلى موقفها من نقابة المهن التمثيلية في أزمتها الأخيرة.
وحلت بدرية، ضيفة ببرنامج «كلام الناس» الذي تقدمه الإعلامية ياسمين عز على «إم بي سي مصر»، وقالت: «وفاء عامر مردش عشان النقابة طلعت قالت أنا متضامنة مع وفاء عامر.. إنما أنا محدش تضامن معايا وكنت بطولي في وسط ناس بيتهموني بقتل زوجي.. أنا لو جبل هيتهز».
وتابعت: «يمكن اللي عملته النقابة شايفين إنهم كدا واقفين معايا.. الله أعلم، وأنهم يعملوا اجتماع ويقولوا تعالي نحقق معاكي وأنا اتبسطت بده لأني وريتهم الفيديوهات دي قدام المحقق وكتب إن الفيديوهات دي مختزل منها ومش عيبي.. وده عيب اللي عمال يحفر ورا الفنانين وعايز يطلعهم كلهم وحشين، ودي بتاعت النقيب مش بتاعتي».
وأضافت: «وده اللي بقوله للنقابة.. لازم يكون فيه فريق دفاع عن الفنانين، آه عندنا المحامين بتوعنا، ولكن لازم يكون فيه رد على السوشيال ميديا للاهانة اللي بنتعرض لها»
واختتمت: «اتهموني أني قتلت جوزي وخدت أعضائه.. أي يا جماعة هي دي تهم عادية، أنا عندي أحفادي أطفال وبتسأل، هرد اقولهم أي، هقعد أشرح لهم».