بنات عامر منيب: «سيرته دايما حلوة حتى بعد سنين من وفاته» (فيديو)

تحدثت مريم وزينة ونور بنات الفنان الراحل عامر منيب، عن والدهن والأثر الطيب الذي تركه لهم بعد وفاته، إذ أوضحن أنه صاحب سيرة حسنة بعد مرور 14 عاما من الرحيل.

وقالت بنات عامر منيب، خلال استضافتهن في برنامج «برة البوكس»، المعروض على منصة «Gossips»:«أكتر حاجة بتفرحنا دلوقتي لما بنسمعها هي سيرته الحلوة، مسمعناش أي حاجة وحشة عليه، ومش عارفين إزاي قدر يعمل كده، هو كان ملاك الله يرحمه».

وروت الابنة الكبرى مريم، موقفا عن والدها بشأن سيرته الطيبة، وقالت: «كنت في فرح وركنت العربية في الجراش بتاع الفندق اللي اتعمل فيه، وكان فيه عسكري واقف وقالي هو انتي بنت عامر منيب وبدأ يعيط».

وأضافت: «قالي حصلي موقف زمان من 15 سنة كان عامر منيب عنده حفلة في الفندق ولما خرج الناس كانت بتصور معاهوأنا كنت قاعد على كرسي لوحدي ومضايق عشان والدتي كانت في المستشفى ومكنش معايا فلوش أعملها عملية، وعامر منيب جالي وحكيتله ن وبعدها بشوية لقيته جايب شنطة فلوس ودفعها للمستشفى، والله يرحمه لما توفى والدتي زعلت عليه أكتر ما زعلت على وفاة والدي».

وتوفى عامر منيب، صباح يوم 26 نوفمبر عام 2011، في إحدى المستشفيات بـ السادس من أكتوبر، عن عمر يناهز 48 عامًا بعد صراعٍ طويلٍ مع مرض سرطان القولون، دام لأكثر من عامين.