شن محمد عبدالجليل، نجم النادي الأهلي السابق، هجوما لاذعا على أحمد جاب الله، طبيب الفريق الكروي الأول بالقلعة الحمراء بعد تصرفه مع أشرف داري.
وتكبد الأهلي هزيمة مريرة من بيراميدز بهدفين دون رد، ضمن منافسات الجولة الخامسة من مسابقة دوري نايل.
وقال عبدالجليل في تصريحات خلال برنامج «الديفندر» على قناة الشمس: «في حاجة خطيرة عملها طبيب الأهلي، أنا خايف منتخب المغرب يرفع علينا قضية، أشرف داري جاتله إصابة في العضلة الضامة وخرج يتعالج، الدكتور ينزله تاني؟».
وأضاف: «دا أنا قاعد في البيت وعارف إنها طرقعت عنده، بس طبعا الدكتور في التلاجة زي المدرب بتاعه، ساب اللاعب ينزل تاني، لما العضلة اتقطعت عنده وقعد يصوت».
وأتم: «العضلة الضامة دي خطيرة، إزاي اللاعب يخرج يتعالج والدكتور يبص عليه وينزل تاني مصاب، ده يوضحلك إن في ناس كتير قاعدة فقط ومش شايفة شغلها».