تنفرد «المصري اليوم» بنشر تحقيقات النيابة العامة مع طالب كلية الطب، المتهم الرابع في واقعة مطاردة فتيات «طريق الواحات»، والتي شهدت جدلًا واسعًا خلال الأيام الماضية عقب اصطدام سيارة المجني عليهن بسيارة نقل متوقفة على جانب الطريق، ما أسفر عن إصابات خطيرة لاثنتين منهن.
المتهم الرابع، ويدعى مازن ناجي، 18 سنة، جرى ضبطه رفقة 3 آخرين بعد ساعات من الحادث، حيث واجهته النيابة بما نسب إليه من اتهامات تتعلق بالمطاردة وتعريض حياة المجني عليهن للخطر. وخلال جلسة التحقيق، قدم المتهم روايته لما جرى منذ لحظة وجوده في مقهى «سيركل كيه» وحتى عودته إلى منزله.
وإلى نص أقواله:
س: ما تفصيلات حدوث الواقعة محل التحقيق؟
ج: اللي حصل إني كنت مع واحد صاحبي روحنا نشرب حاجة في «سيركل كيه» بس أول ما وصلنا القعدة كانت زحمة، ولقيت شباب عايزه تطلع بعربيتها من «البارك» بتاع «سيركل كيه» وبيشاورولي أحرك عربيتي، علشان قافل عليهم فقلت لصاحبي بقولك إيه تعالى نمشي الدنيا هنا مش حلوة أصلًا، وفعلًا مكملناش دقيقتين بالضبط قاعدين هناك واتحركت وحركت عربيتي وكذا واحد من الشباب مشيوا، وأنا مشيت وكنت مروح رايح بيتي في حدائق أكتوبر وكنت في العربية وماشي على الشمال على بيتي، وأنا في طريق الواحات العربية بتاعة البنات دي كانوا ماشيين بيها، وأنا كنت ماشي أقصى الشمال وهما في الحارة في النص وكنت بحاول أدخل يمين علشان الطريق كان فيه إصلاحات وكده بس هما تقريبًا مكانوش مركزين معايا، ومعرفتش أدخل عليهم وكانوا زي قافلين عليا فروحت مهدي خالص وعديت من ورا العربية بتاعتهم ومسكت أقصى اليمين ومشيت بسرعة وعديتهم وروحت على البيت.
لحظة خروج «رنا»من النيابة، تتكئ على خطواتها وذراعاها وساقها في الجبيرة، بعد الإدلاء بأقوالها في حادث طريق الواحات- تصوير: محمد القماش