ناشد الإعلامي أحمد موسي محمود الخطيب رئيس النادي الأهلي للتراجع عن قراره بعدم الترشح لرئاسة النادي الأهلي في الدورة القادمة.
وأعلن محمود الخطيب في بيان رسمي عدم خوضه انتخابات النادي المقبلة، والاكتفاء بالفترات الماضية.
وقال أحمد موسي في تصريحات تليفزيونية عبر صدي البلد: «كابتن محمود مقالش لحد، هذا ليس قرار محمود الخطيب، مينفعش الكابتن يقول في نص الطريق أنا مش نازل».
وتابع: «يا كابتن الخطيب دا مش النادي الأهلي حضرتك النادي الأهلي ميتسبش فجأة، والمجلس عملوا النهاردة بيان بيرفضوا».
وأضاف: «كمان العرف جرى في النادي على ايه، كابتن صالح سليم مطلعش فجأة وقال مش داخل انتخابات، كابتن حسن حمدي مجاش فجأة ومفيش حاجة اسمها كدا، لازم اسلم اللي بعدي».
وواصل: «وبالتالي لازم تسلم اللي بعدك، لكن ليس أبدا أنه فجأة يعمل اللي عمله».
وأكمل: «بناشد الخطيب يتراجع عن قراره ويسلم الراجل اللي بعده، لازم يا كابتن تجهز بديل ليك لازم تجهيز الراجل اللي بعدك كلهم يصحلوا، كابتن مرتجي يصلح وكابتن حسام غالي يصلح احنا متعودناش أن النادي يبقي زيه زي الأندية تاني والناس تضرب أخماس في أسداس، لا يا كابتن لازم تبقي موجود الفترة دي صعبة جدا يعني النهارده».