فتح هشام حنفي، نجم الأهلي السابق، النار على مجلس إدارة القلعة الحمراء، برئاسة محمود الخطيب، بسبب عدم الاستعانة بأولاد النادي في بعض المناصب داخل النادي.
وقال هشام حنفي، في تصريحات عبر إذاعة «أون سبورت إف إم»: «احنا قاسيين في انتقادنا للنادي الأهلي عشان إحنا بنحب النادي، مالناش مصلحة ولا لينا مصلحة نشتغل، أنا الحمدالله سايب النادي بقالي 6 سنين مبشتغلش في النادي الأهلي، فمش عايز حاجة ومش عايز أرجع النادي الأهلي».
وأضاف: «أنا مش هرجع النادي الأهلي مع الناس الموجودة لأن معندهمش رؤية في حاجات كتير، شخصية النادي الأهلي مبنية على ولاد النادي ولاد النادي هما اللي عندهم شخصية النادي الأهلي ولازم يبقوا موجودين في النادي».
وتابع: «فين علاء ميهوب، من النادي الأهلي؟ فين وليد صلاح الدين، من النادي الأهلي؟ في ناس بشتتغل في مناصب كبيرة في النادي بقالها 20 سنة في النادي عشان المجلس ده موجود، لو المجلس ده مش موجود، الناس دي مش هبتقى موجودة.. في ناس خدت نهاية خدمة 3 مرات! كل مرة ياخد مكافأة نهاية خدمة ويتعين في مناصب أعلى».
وأتم: «أنا عارف إن في ناس هتطلع تهاجمني، بس اللي يهاجم يهاجم مبقتش تفرق اللي يفرق معايا النادي الأهلي، ياراجل الجمهور نطق، الجمهور قال (يا خطيب اسمعنا النادي بتاعنا)».