شن إبراهيم سعيد، مدافع منتخب مصر السابق، هجومًا حادًا على ثنائي فريق الكرة الأول بالنادي الأهلي بسبب مستواهم خلال مباراة المارد الأحمر أمام حرس الحدود والتي انتهت بفوز الأحمر بثلاثة أهداف مقابل هدفين في بطولة الدوري.
وقال إبراهيم سعيد، خلال ظهوره ببرنامج أوضة اللبس على قناة النهار: «بعيدًا عن الفوز على حرس الحدود، ده مش الأهلي، الفريق مش في مستواه الفني، وكل لاعب بيلعب لنفسه من غير جماعية».
وأضاف: «مروان عطية مش في أفضل حالاته، وأليو ديانج شكله جاي يعتزل في الأهلي، مش زي بداياته اللي كان فيها أسد، ومحمد هاني كمان مفيش عنده منافسة، بقى ضامن مكانه سواء كويس أو وحش».
وتابع: «دفاع الأهلي مفيهوش انسجام، وهدف حرس الحدود الأول خطأ من محمد هاني اللي حب يتفزلك في الكورة، مصطفى العش وياسين مرعي مش في مستوى النادي الأهلي، ولو الفريق لعب قدام مهاجمين أقوياء هيعاني».
واختتم إبراهيم سعيد تصريحاته قائلًا: «جراديشار هو الوحيد اللي قدم مستوى فني جيد أمام حرس الحدود».