تحدث رضا عبد العال نجم الكرة المصرية السابق، على إمكانيات اللاعب البرازيلي خوان ألفنيا، بعد مستواه أمام مودرن سبورت في الدوري المصري للموسم الكروي الجديد 20250-2026.
ونجح الفريق الأول لكرة القدم في الانتصار على مودرن سبورت، بهدفين مقابل هدف، خلال اللقاء الذي أقيم على ستاد هيئة «قناة السويس»، ضمن منافسات الجولة الثالثة بالدوري الممتاز.
وقال رضا عبد العال في تصريحات تليفزيونية عبر شاشة «تن»: «ألفينا هيكهرب الدنيا طوال الموسم في الدوري، لعيب الكورة يخطف قلبك من أول لمسة، لمسته هي اللي أجبرتك تقول هينسي جمهور الزمالك زيزو».
وأضاف: «ألفينا أثبت المقولة دي سجل وصنع في مباراة مودرن سبورت، لازم ياخد نجم المباراة، ومحمد صبحي اللي يستحق رجل المباراة بعده لإن أنقذ الزمالك من هدفين محققين».
وواصل: «الزمالك لازم يعدل من بعض اللاعبين وخاصة في وسط الملعب، التغييرات كلها النهاردة غير مفيدة، كلها سمك لبن تمر هندي».
وأكمل رضا عبد العال: «كان لازم يصبر على أصحاب المراكز الهجومية أكتر من كدة وميبدلهومش في وقت مبكر، ألفينا لازم ياخد أكتر من كدة عشان يوصل للمستوى البدني المطلوب، وعدي الدباغ لازم يلعب أطول وقت ممكن لحد ميهدف».