حلت الفنانة بشرى ضيفة في برنامج ورقة بيضة مع الإعلامية يمنى بدراوي، المذاع عبر شاشة قناة النهار، وكشفت خلال اللقاء عن كثير من الأسرار وعن سبب انسحابها من مهرجان الجونة السينمائي.
بشرى تكشف مفاجأة عن سبب انسحابها من مهرجان الجونة السينمائي
وقالت بشرى خلال اللقاء: قررت انسحب لما لقيت الموضوع مبقاش شبهي في حاجة، ولقيت الموضوع بدأ يقلب بيزنس والمود العام مبقاش شبهي، وده كان قرار في صعوبة مشهد من فيلم من تسألني من أنا وهي بتسيب بنتها عند مديحة يسري.
أضافت: أنا ست واضحة مع نفسي ومش بعرف أشتغل في مكان مش مبسوطة فيه ومش مرتاحة فيه، وبدأت احس انهم بدأوا يستكرتوا عليا نجاحي، مش أشخاص بعينهم، ولكن شركات وبني آدمين وناس كتير وبعض الزملاء مش كلهم، لأنهم كانوا متخيلين إني السبب وراء عدم دعوتهم للمهرجان، وأنا لو مكانهم هفكر نفس التفكير وده مش حقيقة.
تابعت:فيه فنانين وصناع ورا الكاميرا مش بيتم دعوتهم، والكم الأكبر للبلوجر، لكن المهرجان الأساس فيه لأصحاب المهنة، مش المهن المجاورة أو المكملة، وطبعا في ناس لازم تضايق وأنا بما إني حاليًا مش مسوؤلة بقول أن عندهم حق في جزء كبير من هذا الاعتراض.