عاجل.. ما أحققه لم يشهده تاريخ الغناء في الوطن العربي من قبل

تحدث الفنان محمد رمضان خلال حلقته مع الإعلامي أنس بو خش عن رحلته فى الغناء، وذلك في أحد البرامج التي تعرض عبر منصة الفيديوهات يوتيوب.

أعمال محمد رمضان

وقال الفنان محمد رمضان: «اللى أنا هحققه وبحققه فى الغنا لم يحدث فى تاريخ الغناء فى الوطن العربي، ولم يحققه رجل ولا امرأة، والكلام ده 2025، وخطواتنا بترسم ملامحنا، الخطوات اللى جاية والسنين اللى جاية هتثبت كلامى ولكن بأكدلكم ان مفيش مستحيل، وإن أي شخص وقف عند مرحلة معينة مكانش ظلم من ربنا كان ظلم منه هو لنفسه هو اللى عمل سقف لطموحه، ويمكن ربنا جعلني آية للى طالع فى مجالى الفنى إانك ثق فى ربنا».

محمد رمضان

وتابع رمضان حديثه عن رحلته مع الغناء فقال بأنه بعد نجاحه الكبير فى السينما والدراما أخذ قرار الغناء ولكن قبل اتخاذ الخطوة فكر جيدا فى الأمر بأنه لابد أن يقدم شيئا جديدا، فقال: «قررت أقدم شيء خاص بيا، قعدت أدرس إيه نوع المزيكا اللي هقدمه، إيه نوع الكلام، قعدت أدرس لقيت إن كل المطربين بيغنوا دايما للطرف التانى يا بحبك يا بكرهك يا وحشتيني، قولت خلاص أنا هغنى للذات، اللى عايز يسمع أغنية لنفسه يسمع لمحمد رمضان، عملت نمبر وان ونجحت وكان تحدى صعب جدا».