صلاح الشرنوبي عن “المهرجانات”: بعد 2011 التعابين طلعت من البلاعات | فيديو

صلاح الشرنوبي عن “المهرجانات”: بعد 2011 التعابين طلعت من البلاعات | فيديو



أوضح الملحن صلاح الشرنوبي أن موجة “المهرجانات” تشبه الموجات التي تتبع أي ثورات أو خلل سياسي أو اقتصادي.

وخلال مداخلة هاتفية مع الإعلامي معتز عبد الفتاح في برنامج “تحت الشمس” المذاع عبر قناة الشمس، قال صلاح الشرنوبي: “المهرجان مش كله مرفوض، إحنا بنرفض اللي بيقوموا على عمل المهرجان. بدليل يسرا غنت مهرجان في بداية موجة المهرجانات، اللي انبثقت بعد ثورة 2011، واتصححت في 2013.”

وأضاف: “دي موجات تتبع أي ثورات أو لخبطة اقتصادية أو سياسية، وأنا أسميها باللفظ البلدي كل التعابين طلعت من البلاعات.”

وتابع: “توجد نقطة هي شكل اللي بيغني وتعليمه وبيئته وتربيته، دلوقت العيال بقى لسانها تقيل، من المسؤول عن ده؟ لازم نفكر كلنا كشعب، وأنا كملحن وعضو مجلس إدارة جمعية المؤلفين والملحنين أوافق وأدعم هاني شاكر ومجلسه في هذا القرار.”