ست بمية راجل.. رغم أنها بطلة رياضية كبيرة، وحصلت على جوائز متعددة داخل مصر وخارج مصر
إلا أنها استطاعت أن تكسر كل القواعد التقليدية، حيث تركت اللعبة المفضلة، وعلمت “فرارجية”.
“مصر تايمز” تواصل مع كاميليا أشهر فرارجية في بنها، خرجية كلية الحقوق جامعة بنها ، وقالت في حديثها : أنا متزوجة ومعايا ثلاث أبناء في مراحل التعليم المختلفة خلصت جامعة، وكنت بطلة مع منتخب مصر فى لعبة الكرة العابرة الصاروخية، في لكن شعرت بمسؤولية كبيرة بعد الزواج، ولقيت نفسي عايزة أساعد زوجي، وأعينه على متطلبات الحياة.
فكرت كتير قبل ما أخد الخطوة وسالت شقيقي الأكبر عن مشروع اقدر أكل منه عيش واساعد في مصاريف البيت فنصحني اني افتح محل فرارجي “.
وتابعت: القرار كان صعب في البداية علشان أنا ست وكنت رياضية مشهورة، ولكن أخدت القرار وفتحت
المحل.
كاميليا قالت أيضا : الناس في بنها لما بيجوا عندى المحل بينادونى بالاستاذة مش مقتنعين أنى فرارجية
لكن أنا قدرت أغير المفهوم لدى كثير من الستات وبنصحهم إنهم يقفوا جنب أزواجهم.
وأنهت كاميليا حديثها قائلة: هفضل أكافح مع أولادي لحد ما أوصلهم لبر الأمان لأن الشخص قبل الزواج شيء وبعد الزواج شيء تاني ، مسؤولية كبيرة مش صغيرة والاعتماد على النفس هو أفضل شئ.