شن المخرج كريم العدل هجومًا حادًا على المخرج محمود يحيى مخرج فيلم “اختيار مريم”، وذلك بعد أزمته مع سينما زاوية، وإضرابه عن الطعام لعرض فيلمه في السينما.
كريم العدل يهاجم مخرج فيلم “اختيار مريم”
وكتب كريم العدل من خلال حسابه الرسمي عبر موقع التواصل الاجتماعي “فيسبوك”، قال:”يا أيها “المخرج” .. انا اسف اني اصدمك بالحقيقة اللي ممكن تضايقك.. بس انا عندي سؤال.. هل لو فيلمك اتعرض، و هشطح معاك بالخيال و اقول انه عجب الناس جدا.. و هشطح معاك بالخيال اكتر و اكتر اقول انه جاب فلوس كتير فشخ، بص، عمل اعلى ايراد في السوق السنة دي.. خيال يعني.. هل انت متخيل ان فيه منتج او موزع او دار عرض او ممثل او مدير تصوير او اى كرو، ممكن يخاطر و يشتغل معاك بعد اللي انت عملته ده؟ ليه؟ هل انت فاهم ان الناس بتحب وجع الدماغ مثلا؟ هل انت عارف ان كله هيقول لك بناقص و ان الشاطرين على قفا من يشيل؟؟ هل فيه حد علمك انك تبقى مريح ده جزء من الشطارة؟ طب هل انت تعلم ان انت هتبقى بيُشار اليك للأبد بـ”المخرج اللي عمل إضراب ده، فاكره؟”.
أضاف:”الحقيقة ان إضرابك او صيامك او ايا كان هتسميه ايه ماكانش انتحار بدني قد ماهو انتحار فني كامل… و أنا دايماً بقول لأي شاب مخرج صغير لسة بيبدأ choose your battles – اختار معاركك.. بس انت بقى اخترت معركة صغيرة قوي تكسبها بأى وسيلة كانت حتى لو بلوى الدراع.. بس ضحيت قصادها بمستقبل فني كامل.. ف أصبحت معركة خسرانة..
انت كنت عدو نفسك الأول.. قبل مايكون اى دار عرض او موزع عدوك.. شكرا”.