تحدث عمرو الصفتي مدافع نادي الزمالك السابق، عن كواليس رحيله عن القلعة البيضاء، مشيرًا إلى مطاردة الأبيض له من أجل التجديد.
وقال الصفتي في تصريحات عبر «جول كاست»: «أنا كنت صفقة ناجحة في الزمالك كأرقام.. ولو مكنتش ناجح ليه لما عقدي خلص الزمالك كان بيجري ورايا علشان أجدد».
أضاف: «كابتن حسام حسن مدرب الزمالك وقتها كان بيجري ورايا كل لما أقعد مع نادي.. وأنا عقدي كان 4 سنين والجمهور كان عايزني أجدد، لما قعدت مع كابتن مختار مختار في بتروجيت عرف.. وقعدت مع كامل أبوعلي عرف أعمل أي تاني».
وتابع: «حسام حسن كان بيطاردني ويقولي أنت ليه قعدت مع الناس كده ويقولولي مش هنلعبك بقية الموسم».
وأكمل عمرو الصفتي: «وأنا بجدد مع الزمالك كنت ناوي أمشي وقعدت مع ناس تانية، لأني مستفدتش ماديًا من الزمالك والعمر بيجري، ولكن في الأخر جددت وخدت شيك كان ناقص الإمضاء لأن مكنش فيه فلوس وقدرت ده».
وزاد: «رحلت عن الزمالك لأني كنت جبت آخري والجمهور مبقاش متقبلني وكان فيه سوء حظ بس جه في توقيت وحش».
وأردف: «كان في ماتش اتعادلنا (3-3) مع الأهلي وفي كرة خبطت في دماغي ثم راحت لخد متعب وبعدها دخلت جول، سوء حظ بس جه في توقيت وحش».
وأتم نجم الزمالك السابق: «بعدها رحت الجونة وخدت فلوس كويسة جدًا وربنا رضاني.. وسوء التوفيق موجود في الدنيا كله، وموقفي مثل موقف محمود علاء.. هل محمود علاء قبل كرة نهائي القرن زي محمود علاء بعدين؟».