وجه إبراهيم سعيد نجم الكرة المصرية السابق، رسالة خاصىة لـ وليد صلاح الدين مدير الكرة في النادي الأهلي، بشأن تصرف ياسر إبراهيم نجم الفريق الأحمر، عقب لقاء حرس الحدود في الدوري.
ورصدت عدسات الكاميرات ياسر إبراهيم وهو ينفعل بعد تسلم زميله مروان عطية، لجائزة الأفضل. وقال ياسر إبراهيم في مقطع فيديو أثناء ذهاب مراقب المباراة بالجائزة إلى مروان عطية: «بتختاروا الجايزة على أي أساس؟».
وقال إبراهيم سعيد في تصريحات تليفزيونية عبر شاشة «النهار»: «موقف ياسر إبراهيم يؤكد إن كل لعيب في الأهلي بيفكر في نفسه، مش فاهم هو ياسر لو خد رجل المباراة هيروح ريال مدريد مثلاً!».
وأضاف: «إية لازمة إني أعمل بلبلة ومشكلة، كنت نجم المباراة فعلًا في رأي الجمهور وعملت مباراة قوية وكويسة جدًا».
وتابع: «في مشكلة بأوضة لبس الأهلي، وكل لعيب فاكر إنه هو النجم، ولازم كابتن وليد صلاح الدين مدير الكرة في الأهلي يتدخل ويشد على اللعيبة دي جامد، لإنهم عايزين حد يوريهم العين الحمرا، عشان شايفين نفسهم».
وأتم إبراهيم سعيد تصريحاته قائلًا: «لازم يتشد عليهم واللي مش عاجبه يمشي، ولازم يكون في قرارات يتمشي عليها، بالتأكيد مروان عطية زعل من الموقف».