السيسي لأهالي طلاب الأكاديمية العسكرية: بنجهز شخصياتهم ببرامج عملها متخصصين

رحب الرئيس عبدالفتاح السيسى القائد الأعلى للقوات المسلحة بأعضاء هيئة التدريس بالأكاديمية العسكرية المصرية والطلبة المستجدين وأسرهم وعدد من دارسى الدورات المدنية بالأكاديمية، “لما عرفنا إنكوا هتكونوا موجودين في رمضان قولنا فرصة كويسة إننا نلتقي بيكم، ونشكركم على أبنائكم اللي منضمين دلوقتي للقوات المسلحة أو مؤسسات الدولة، وعاوز اطمنكم إننا حرصنا خلال السنوات الماضية على التطوير الكبير، وعملية التطوير لا تنتهي، ومش هنعمل حاجة النهاردة ونقول دي المثالية وخلاص”.

وأضاف الرئيس: “ده محاولة مننا كدولة إننا نعمل تطوير للأداء والمستوى ومش بس شكل كويس نكون فرحانين بيه، إحنا بنجهز شخصية ببرامج مجهزة عملها متخصصين من أساتذة الجامعات من علم النفس والاجتماع والسلوكيات، هنا الطلاب هياخدوا مستوى معرفي جيد جدًا على كافة المستويات، وحاولنا تشكيل شخصية متكاملة قادرة تدير أمورها على أساس علمي وبشكل حرفي جدًا”.

جاء ذلك خلال إفطار الرئيس السيسى، اليوم، مع أعضاء هيئة التدريس بالأكاديمية العسكرية المصرية والطلبة المستجدين وأسرهم وعدد من دارسى الدورات المدنية بالأكاديمية، حيث رافق الرئيس الفريق أول عبد المجيد صقر القائد العام للقوات المسلحة وزير الدفاع والإنتاج الحربى والفريق أحمد خليفة رئيس أركان حرب القوات المسلحة وقادة الأفرع الرئيسية وعدد من قادة القوات المسلحة.