تحدث مصطفى عبده نجم النادي الأهلي ومنتخب مصر السابق، عن سعادته بمشروع استاد الأهلي، وكذلك بداية مسيرته مع المارد الأحمر، ويستعرض موقع تحيا مصر التفاصيل.
تصريحات مصطفى عبده
قال مصطفى عبده: “أول مقابلة ليا مع كابتن صالح سليم بعد ما انضميت للأهلي قالي حاجة هي اللي خلتني كملت بشكل كويس مع الاهلي، قالي انت مشروع لاعيب كويس بس احترم ذاتك عشان الناس تحترمك وعملت بكلامه والحمدلله ربنا كرمني مع الأهلي”.
وتابع عبربودكاست القلعة الحمراء: “واحنا بنلعب كنا نتمنى يبقى عندنا استاد للأهلي، كان فيه ملعب التتش اه لكن ملعبناش فيه كتير، لكن لما يبقى استاد بإسم وكيان الأهلي بتبقى حاجة تانية خالص”.
وذكر مازحا: “كنتوا بدروا شوية واعملوا الاستاد بدري كنا ناخدلنا فيه شوطين ولا حاجة، استاد الأهلي ده حلم كلنا حلمنا بيه، الاستاد ده هيبقى مكافأة بسيطة من النادي الأهلي لجماهيره الكبيرة، لان جماهير الأهلي مهما اتكلمنا ومهما قولنا فا محدش اتعرف فينا غير من خلال جماهير الأهلي”.
وأشار: “لو هختار حد أخلد اسمه علي جدران الاستاد هتكون زوجتي، كانت كل حاجة بالنسبالي ولما يتحط اسمها علي جدران استاد الاهلي يبقا كرمتوني انا، الله يرحمها ويحسن اليها، هي اللي ليها فضل عليا بعد فضل ربنا”.
كولر يطير إلى سويسرا بعد حصوله على اجازة من الأهلي
وحصل مارسيل كولر المدير الفني للنادي الأهلي على أجازة لمدة أسبوع حيث قرر السويسري السفر إلى دولته من أجل قضاء الأجازة مع العائلة، ومن بعدها يعود المدير الفني لقيادة تدريبات الفريق استعدادًا لمواجهة الهلال السوداني في بطولة دوري أبطال إفريقيا.
وقال المتحدث باسم شؤون الأهلي الكروية أن باقي لاعبي الفريق غير الدوليين سيحصلون على راحة لمدة 3 أيام قبل معاودة التدريبات.
وأشار ثابت إلى أن لاعبي الأهلي الدوليين سينضمون لصفوف منتخب مصر الأول في معسكر مارس استعدادًا لمواجهتي إثيوبيا وسيراليون.
موعد مباراة الأهلي وإنبى فى بطولة كأس عاصمة مصر
ويلتقي الفريق الاول لكرة القدم بالنادي الأهلي مع نظيره فريق إنبي، يوم الخميس المقبل، فى تمام الساعة التاسعة مساءً، على ستاد القاهرة في بطولة كأس عاصمة مصر.
