أشادت النائبة فاطمة سليم، عضو مجلس النواب بمسلسل "ولاد الشمس"، قائلة: " لمس قلوبنا وحط قدامنا واقع يمكن ناس كتير متعودتش تبص له بجدية أو تفكر فيه.. واقع أبناء دور الرعاية اللي بيكبروا وسط تحديات أكبر من سنهم، ما بين فقدان الأسرة ونظرة مجتمع أوقات بتكون قاسية وغير عادلة.
برلمانية تشيد بمسلسل ولاد الشمس: نقل لنا واقع أبناء دور الرعاية
وأضافت: المسلسل فتح باب كبير للتفكير، متسائلة عن رؤية الناس للأطفال الذين نشأوا في دور رعاية بشكل مختلف؟ .. وليه الدمج في المجتمع مش دايمًا سهل؟ ليه كلمة "يتيم" بتتحول أحيانًا لحكم مسبق بدل ما تكون مجرد ظرف فرضته الحياة؟ والأهم.. إزاي نقدر نغير كل ده؟
وتابعت: بشكل شخصي اتكلمت عن قضية أبنائنا والكفالة واللي محتاجينه من المجتمع ، والحقيقة إن كل طفل اتولد له حق في حياة كريمة وفي إن الناس تشوفه بإنسانيته قبل أي لقب تاني.
المجتمع دوره مش بس التعاطف، لكن كمان الدعم، الاحتواء، وتغيير المفاهيم المغلوطة اللي بتمثل عبء إضافي على أبنائنا.
واستكملت: قضية مهمة كمان لمسها المسلسل هي إن الكفالة مش مجرد مسؤولية، دي فرصة حقيقية لتغيير حياة، فرصة لفتح أبواب الأمل قدام طفل ممكن يكون في المستقبل عالم، طبيب، مهندس، أو أي شخص يقدر يضيف للمجتمع.
واختتمت: صحيح "ولاد الشمس" عمل درامي، لكن القصة اللي ورا كل شخصية فيه بتتكرر كل يوم.. ودورنا الحقيقي يبدأ لما نقرر نكون جزء من التغيير مش مجرد مشاهدين.
وعلي صعيد آخر ، تقدمت النائبة فاطمة سليم، عضو مجلس النواب، بطلب إحاطة إلى الدكتور حنفي جبالي، رئيس مجلس النواب، موجه إلى وزير الكهرباء والطاقة المتجددة، بشأن الصعوبات التي يواجهها المواطنون في إجراءات تركيب العدادات الكودية كبديل لنظام الممارسة.
طلب إحاطة بشأن صعوبة إجراءات تركيب العدادات الكودية
وقالت النائبة في طلب الإحاطة: "تلقيت خلال الفترة الأخيرة عددًا كبيرًا من شكاوى المواطنين، بشأن صعوبة إجراءات تركيب العدادات الكودية، في الوقت الذي تسعى فيه الدولة لتقنين أوضاع المخالفات والحد من سرقات التيار الكهربائي."
