معاك فلوس وخايف قيمتها تقل ومتعرفش تشتري بيها حاجة بعد كده .. محتار ومش عارف ايه أفضل مجال ممكن تحط فيه فلوسك وانت مطمن.. عاوز تستغل مدخراتك أحسن استغلال ومش عارف تعمل ايه .. الفيديو ده ليك وهيجاوب على كل الأسئلة اللى شاغلة تفكيرك
بسبب تراجع قيمة الجنيه وتآكل المدخرات مع ارتفاع معدلات التضخم وارتفاع اسعار كل السلع تقريبا كل الناس بتسأل وعاوزة تعرف ايه افضل استثمار ممكن يحطوا فلوسهم فيه ..
وطبيعي أي حد معاه قرشين زيادة دلوقتي يكون محتار يستثمرها في ايه.. و اول حاجة الناس بتفكرفيها هي الدهب وبعدها العقارات وممكن يفكر يريح دماغه ويحطها في شهادات ادخار بالبنوك أو ممكن يعمل بيها مشروع
وعشان تخرج من الحيرة والتفكير هنقولك فى الفيديو ده ميزة كل نوع من الاستثمار.. وأول حاجة الدهب ورغم تقلب الأسعار كل شوية فوق وتحت لكن يفضل اهم استثمار بيوصي بيه أهل الاقتصاد لأنه استثمار طويل الأجل والدهب بيزيد دايما على المدى الطويل وده غير أنه بيحفظ قيمة فلوسك ودي أهم ميزة فيه غير ان سهل تشيله في مكان أمان وكمان حاجة تانية بتخلي الدهب هو الحل الأمثل للاستثمار دلوقتي وهي إن كل التوقعات بتقول إن المعدن الأصفر سعره هيقفز على مدار الشهور الجاية عالمياً بسبب التوترات السياسية والعسكرية في اكتر من منطقة في العالم واي صراع بيرفع أسعار الدهب على طول ده غير اتجاه الفدرالي الأمريكي لخفض أسعار الفايدة على الدولار وزيادة الطلب على الدهب من البنوك المركزية العالمية والتوقعات بتقول إن سعر الدهب عالمياً هيوصل 3 آلاف دولار من حوالي 2600 دولار وصلهم مؤخرا.
والدهب علي مدار الفترات اللي فاتت كان هو الحصان الرابح و مفيش حد راهن عليه وخسر بعد ما وصل لمستويات تاريخية لاول مرة وسجل سعر الجرام عيار 21 الأكثر مبيعا في الأسواق حوالى 3700 جنيه
طب امتى تختار الدهب؟
تختار تستثمر فى الدهب لومعاك قرشين مش محتاجهم لفترة طويلة سنة على الاقل ووقتها هتحافظ على قيمة مدخراتك وهتزيدمع اى ارتفاع فى التضخم
نروح بقا للعقارات .. و العقارات بردوا استثمار طويل الأجل لكن مشكلته إنه معرض للانخفاض أو الاحتفاظ بالقيمة اللي اشتريته بيها أو هيزيد بشكل بسيط لأن أسعاره بتعتمد على أسعار مواد البناء والعرض والطلب .. بسفى السنين الأخيرة مفيشعقار سعره بينزل
طب امتى تختار الاستثمار فى العقار؟
تروح للعثار وانت مطمن لو معاك حجم فلوسكبيرومشمحتاجه ل 3 او 4 سنين ويفضل تشترى فى اماكلن جديدة وياريت كمان لو تسدد السعر بالقسط وتستفيد بعد كده من فروق الاسعار اللى بتحصل فى واحد من اهم واكتر القطاعات اللى بتشهد نمو
طب وبالنسبة لشهادات الاستثمار فى البنوك ؟
برضوا دي نوع مميزمن الاستثمار وفيها ميزة مهمة وهى انها بتوفر دخل شهري ممكن تساعدك لو عندك التزامات شهرية زي ايجارات او اقساط حاجة انت مشتريها
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
