يا ترى إزاي البنك المركيز قدر ينجح فى إعادة الثقة للجنيه المصري؟ وايه الاجراءات اللى عملها صناع السياسة النقدية وساهمت فى القضاء على فوضى سوق صرف العملات الأجنبية؟ وهل كده مش هنشوف المضاربين على الدولار تاني؟
من فترة مش بعيدة كنا بنسمع عن انهيار الجنيه.. والكل كان في حالة خوف وقلق على وضعه.. وكل يوم كان في زيادة في سعر الدولار مقابل الجنيه.. وكان سوق الصرف غير مستقر ومليان تشويش.. لكن مع بداية خطوات وتحركات جريئة من البنك المركزي المصري الأمور بدأت تتغير بشكل تدريجي ودلوقتي الجنيه المصري قدر يستعيد جزء كبير من قيمته وأصبح في استقرار أكتر حتى مع التحديات الاقتصادية العالمية.
بس يا ترى البنك المركزي عمل ايه عشان يوصل للنتيجة دي ويعيد ثقة المستثمرين والناس العادية فى الجنية المصري؟
أول خطوة مهمة عملها البنك المركزي كانت توحيد سعر الصرف.. يعني خلاص مفيش فرق بين السوق الرسمي والسوق الموازية.. البنك المركزي عمل ده من خلال سياسة مرنة لسعر الصرف بحيث تكون قيمة الجنيه مرتبطة بشكل مباشر بعوامل العرض والطلب في السوق وده عشان الناس ما تلجأش تاني للسوق السوداء.
الخطوة التانية كانت الإجراءات المشددة ضد السوق السوداء.. البنك المركزي كان ليه دور كبير في تفعيل الرقابة على مكاتب الصرافة وأصدر قرارات صارمة ضد العمليات غير القانونية.. وده أدى إلى انخفاض النشاط في السوق الموازية بشكل ملحوظ..و الحقيقة دي كانت خطوة كبيرة علشان نرجع نثق في الجنيه مرة تانية.
وما ننساش الاحتياطيات النقدية.. البنك المركزي عمل شغل عظيم في زيادة احتياطي العملة الأجنبية.. فده ساعد بشكل مباشر في تقوية الجنيه والحفاظ على استقراره لأنت الاحتياطيات العالية بتعطي الثقة للمستثمرين وتحسن صورة مصر في السوق العالمية وده بدوره بيخلي الجنيه أقوى وأقل عرضة للتقلبات.
وعلشان نكون صرحاء الإجراءات دي مكانتش سهلة خالص... يعني على مدار شهور من التعاون مع صندوق النقد الدولي وتنفيذ برامج إصلاح اقتصادي قدر البنك المركزي يحسن من وضعنا الاقتصادي ويحقق استقرار أكبر للعملة.
وفي الفترة الأخيرة .. حتى مع الارتفاعات في أسعار السلع العالمية الجنيه ثبت قدام الدولار بنسبة كبيرة مقارنة بالسوق الموازية.. وده يعني إن البنك المركزي المصري قدر يلعب دور البطولة في منع انهيار الجنيه.
والأهم من كده كمان.. البنك المركزي مش بس استعاد الثقة في الجنيه لكنه كمان بيوفر الدعم لاقتصاد البلد خصوصًا في ظل الظروف الصعبة اللى بيمر بيها الاقتصاد العالمي.. والمستثمرين دلوقتي بدأوا يشوفوا في مصر فرصة للاستثمار بشكل أكبر وده هيخلي الجنيه في الطريق الصحيح نحو المزيد من الاستقرار.
وعشان نلخص الكلام.. الجنيه المصري دلوقتي أفضل من قبل كده ، وثقة الناس فيه رجعت تاني. البنك المركزي المصري كان عنده خطة محكمة لمواجهة أزمة الدولار والتدخل في الوقت المناسب لضمان استقرار سوق الصرف..و خلاص الجنيه بدأ يسترجع قوته وإن شاء الله في المستقبل القريب هنشوف تحسن أكبر.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
