أحمديات الكلمة حائرة بين مفهوم لم يقصد ومقصود لم يفهم فإجعل كلمتك بسيطة حتى يفهم مقصدها خسارة
ويسوي إيه حبك والهم طايلني ده الحب وصفة سعادة تشيل الهم مني جربت وزي ما قالولي يعيني على اللي حب ولا طالشي وبحبك إتكويت وخاب فيكي ظني يا إللي طول عمري صاين حبك جوة قلبي خذتي مني عمري وكان نفسي تبقي في ظلي وسيبتيني في بحر الحب لا أنا راسي ولا الشط طايلني ويسوي إيه حبك والهم طايلني قسيتي عليا وما خذتي حته منه ده أنا اللي كنت حسيب ليكي روحي وعقلي وأسكنك جوه قلبي خسرتيني وحتسخري الحب لأنه في حبك مش هتلاقي زي حبي ويسوي إيه حبك والهم طايلني وحيجي بكره وتعرفي إزاي خاب فيك ظني بعد الهوي ما يروح وترجعي تتمني كلمة مني وتقولي ياريتني كبرت قبل سني وعرفت وما كانش ضاع حبيب حبني وكان عاوز يكون حته مني ويفيد بإيه الندم يا حبيبة قلبي ويسوي إيه حبك والهم طايلني.
قرمشة
كلمات من القلب حبيتك لما شوفتك أول مره وعرفت الحب لما سيبتك لأول مره وعشقتك لما شوفتك تاني مره وعشقتك وعشقت الحب لما سيبتك برضه تاني مره وهفضل أحبك وأحب الحب حتى لو ما شوفتكيش ولا مره هو أصل الحب ما بيجيش في العمر إلا مره والعشق برضه ما جاش إلا مره وهي مره وأخر مره إلى اللقاء.
