أحيت الإعلامية رولا خرسا، عبر حسابها بموقع تبادل الفيديوهات والصور «إنستجرام»، الذكرى السنوية لوفاة والدها بكلمات مؤثرة.
نشرت رولا خرسا صورة لوالدها معلقة: زي النهاردة أبويا أتوفى من زمان قوي.. بحاول أفتكر حاجات معاه بس هو سابنا بدري.. حياتنا ما كانتش سهلة خالص خالص.. وبدري بدري شلت المسوؤلية.. أما بشوف أي ستات أو بنات بتتكلم عن أبوها أنه سند وأنه عمل لها وسوى.. حتة جوايا بتقول: أنا ما جربتش دا.
وأضافت: صحيح أمي كانت بمليون راجل مش مية.. بس لما كبرت فهمت قد إيه هي تعبت وعمرها ما حسستنا بتعبها وقد إيه الحمل كان تقيل عليها.. وفاة أبويا وإحنا صغيرين خلتني أحس بدري بدري قد إيه الحياة صعبة بس علمتني بدري بدري برضو إني لازم أشيل وأكمل وإن ربنا له حكم ممكن ما نفهماش.
واختتمت: صحيح إن الحياة ادتني نعم كتير الحمدلله.. بس فضل جوايا طفلة مهما كبرت كان نفسها بحاجات كتير ما تحققتش.. الدروس بدأت معايا بدري بدري.. ربنا يرحمه ويرحم جميع موتانا.. ويغفر لهم.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
