إيه حكاية قلعة الغزل والنسيج الجديدة في كفر الدوار وازاي المشروع الجديد هينقل صناعة الملابس الجاهزة في مصر وايه تأثير دا على التصدير وليه مصر قررت تركز على الاستفادة من القطن المصري بدل تصديره خام.
فيه خبر اتنشر من شوية محدش خد باله منه رغم أهميته الكبيرة في مسيرة الاقتصاد والتصنيع المصري وهو خبر إقامة وتطوير مشروع مجمع كفر الدوار الجديد واللي أعلن عنه محمد شيمي، وزير قطاع الأعمال العام ودا لأن المشروع ضخم وبيمثل نقلة في صناعة الغزل والنسيج والملابس الجاهزة في مصر وهو قطاع من أهم قطاعات الصناعة في مصر واللي بتتميز بيها وليها سمعة كويسة في الأسواق العالمية من حيث الجودة وسمعة القطن المصري.
طيب ايه حكاية المجمع الجديد واللي الحكومة بتنفيذه بوتيرة سريعة دلوقتي؟
شوف حضرتك المجمع الجديد يضم 6 مصانع ضخمة ومتكاملة لصناعة الغزل والنسيج عبارة عن صناعات الغزل وتحضيرات النسيج 1 و تحضيرات النسيج 2 والنسيج، والصباغة والتفصيل) وعلى مساحة 338 ألف متر مربع يعني الغزل هيدخل المجمع ويخرج ملابس جاهزه ودا المقصود بكلمة متكاملة وحسب الوزير المجمع بيضم محطة الكهرباء، وتبلغ الطاقات الإنتاجية المستهدفة سنويًا بعد التطوير 10 آلاف طن من الغزول، و45 مليون متر نسيج، و8 ملايين قطعة ملابس ودا بيكشف حجم المشروع الضخم اللي بتعمل.
أهمية المجمع الجديد إنه ضمن خطة الدولة الإستراتيجية لتطوير صناعة الغزل والنسيج والمشروع بيهدف إلى إعادة إحياء صناعة الغزل والنسيج الحيوية واللي بتشكل جزءً أساسي من الاقتصاد المصري وبيعزز قدرة مصر على المنافسة في الأسواق العالمية وكمان بيعكس الجهود المستمرة للدولة في تعزيز القدرة الإنتاجية للشركات التابعة لقطاع الأعمال العام.
المشروع مش بيهدف بس لتحديث البنية التحتية لصناعة الغزل والنسيج لكن كمان بيهدف لتحسين جودة المنتجات وتعزيز الإنتاجية مع التركيز على الاستدامة البيئية وتطبيق أحدث المعايير التكنولوجية في التصنيع والمشروع ضمن مشروعات المرحلة التالتة والأخيرة من المشروع القومي لتطوير صناعة الغزل والنسيج وعشان كده الوزير وجه بسرعه تنفيذ المشروع والمتابعة اليومية والميدانية لضمان الانتهاء من الأعمال حسب الجداول الزمنية المقررة والبدء في عمليات التشغيل، مع الاهتمام بالبرامج التدريبية للعاملين لرفع كفاءتهم وتأهيلهم للتعامل مع الماكينات الحديثة ورفع الوعي بأهمية مشروع التطوير.
طيب الدولة عملت ايه عشان تطور صناعة الغزل والنسيج ؟
الحكومة كانت حريصة على تطوير قطاع الغزل والنسيج ودا للاستفادة من الإمكانيات المصرية في الصناعة الحيوية دي وهي صناعة قديمة في مصر وبتقوم على اجود انواع القطن في العالم وهو القطن المصري ولو فاكرين الحكومة طلعت قرار بالاستفادة القصوى من انتاج القطن في الصناعة بدل من التصدير لتعظيم القيمة المضافة وتحقيق أرباح أكتر من بيع المنتجات المصنعة النهائية من الملابس الجاهزة بدل بيع القطن خام وكمان الدولة طورت صناعة الغزل والنسيج في المحلة الكبرى قلعا صناعة النسيج في مصر والمنطقة وكمان انشأت اكبر مصنع للغزل والنسيج في العالم بمدينة المحلة الكبرى ووصلت صادرات الملابس الجاهزة في 2024 حوالي 2.8 مليار دولار ومع المشروعات الجديدة هتحصل قفزة في الأرقام.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
