زيادة نفوذ للدولار وفخ ممكن يخلص على أمريكا.. إزاي قرارات ترامب ممكن تغير خريطة الاقتصاد - غاية التعليمية
غاية التعليمية يكتُب.. تخيل تصحى الصبح تلاقي أسعار كل حاجة بقت أغلى فجأة، وسبب ده قرار واحد بس من ترامب.. طب ليه بيعمل كده؟ وهل القرارات دي هتقوي الاقتصاد الأمريكي فعلاً؟ ولا ممكن تولع حرب تجارية عالمية؟ والأهم… إزاي كل ده ممكن يخلي الدولار هو الملك اللي بيتحكم في اقتصاد العالم؟
اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.
الرئيس الأمريكي دونالد ترامب فجّر قنبلة اقتصادية لما قرر يفرض رسوم جمركية ضخمة على واردات المكسيك، كندا، الصين، وحتى الاتحاد الأوروبي.. الرسوم دي معناها إن أي منتج جاي من الدول دي لأمريكا هيبقى أغلى وده ممكن يغير شكل التجارة العالمية تماما.
طب ليه ترامب بياخد الخطوة دي؟
ترامب شايف إن أمريكا بتستورد بضايع بمليارات الدولارات من الدول دي.. لكن في المقابل الصادرات الأمريكية ليهم مش بنفس القوة وده بيخلي أمريكا عندها "عجز تجاري" ضخم.
يعني ببساطة.. أمريكا بتشتري من الصين أكتر بكتير ما الصين بتشتري منها وده معناه إن الفلوس بتطلع من أمريكا أكتر ما بتدخل.
وترامب مش عاجبه الوضع ده.. فقرر يفرض رسوم جمركية علشان يخلي المنتجات الأجنبية أغلى وبالتالي يخلي الأمريكيين يشتروا المنتجات المحلية بدل المستوردة.
لكن السؤال المهم… هل الخطوة دي هتفيد الاقتصاد الأمريكي ولا هتضره؟
لما المنتجات الأجنبية تبقى أغلى.. الناس في أمريكا هتقلل استيرادها وده هيقلل الطلب على العملات الأجنبية زي اليوان الصيني أو اليورو الأوروبي.. في المقابل، هيزيد الطلب على الدولار لإن الشركات والمستهلكين هيحتاجوا أكتر للدولار عشان يشتروا المنتجات الأمريكية المحلية.
وزيادة الطلب على الدولار هتخليه أقوى مقارنة بالعملات التانية.. وده معناه إن الدولار هيبقى هو الملك في الاقتصاد العالمي.
لكن القصة مش وردية زي ما ترامب متخيل… فيه مشكلة كبيرة بتلوح في الأفق وده لأن الدول المتضررة مش هتسكت.. الصين مثلا أعلنت إنها هترد بفرض رسوم على المنتجات الأمريكية.. وده هيأثر على شركات أمريكية ضخمة بتصدر للصين زي آبل وتسلا
.. كندا والمكسيك كمان مش هيعدوا الموضوع مرور الكرام وبدأوا يخططوا لردود انتقامية ممكن تضرب الاقتصاد الأمريكي في مقتل
كمان الاتحاد الأوروبي بدأ يناقش خطوات تصعيدية ضد أمريكا لو استمرت في فرض الرسوم دي.
كل ده معناه إننا داخلين على حرب تجارية ضخمة.. والنتيجة ممكن تكون كارثية لو استمرت الدول في التصعيد ضد بعض.
طب هل خطة ترامب هتنجح؟
على المدى القصير.. ممكن الدولار يقوى بسبب زيادة الطلب عليه.. والشركات الأمريكية المحلية تستفيد شوية.. لكن على المدى البعيد الحرب التجارية ممكن تضرب الاقتصاد العالمي وترفع الأسعار بشكل جنوني.. وفي الآخر.. الاقتصاد الأمريكي نفسه ممكن يكون من أكبر المتضررين.
كُنا قد تحدثنا في خبر زيادة نفوذ للدولار وفخ ممكن يخلص على أمريكا.. إزاي قرارات ترامب ممكن تغير خريطة الاقتصاد - غاية التعليمية بأستفاضة، ويمكنك تصفح جميع الأخبار المتعلقة بهذا الشأن عبر موقعنا غاية التعليمية الالكتروني.
