وجهت الفنانة آيتن عامر رسالة مؤثرة لوالدها الراحل، وذلك من خلال نشرها صورًا مؤثرة تجمعها به عبر حسابها بموقع «إنستجرام»، معبرة عن مشاعر الحزن والاشتياق والدروس التي تعلمتها من فقدانه.
وكتبت آيتن لوالدها عبر صفحتها بـ«إنستجرام»: «زعلانة منك في حاجات، ومفتقداك في حاجات أكتر بكتير، ومتاكدة إنه لو كنت موجود كنت هتبقى السند، لكن غيابك خلاني أكون سند لنفسي وللي حواليا، لأن فيا منك كتير، خصوصًا قوتك وجدعنتك، بس أنا تعبت من كتر القوة وزهقت، مش عايزة مشاكل ولا حروب، اللي عايز يفهم يفهم، واللي عايز يحكم ياخد راحته، مش هبرر ومش هدافع».
وتابعت آيتن قائلة: «اتطمن، بنتك بميت راجل، ومهما الدنيا قست هتفضل واقفة ورأسها مرفوعة، يمكن تاخد استراحة محارب، بس دايمًا هتكون جاهزة لأي حاجة، ومش هيكون في احتمال للخسارة».
وأنهت آيتن رسالتها قائلة: «بحبك، ووحشتني، وزعلانة منك، ومشبعتش منك، وجوايا وجع كبير، بس مش هقولك غير كلمة واحدة: اطمن.. بنتك قدها».
وكان آخر أعمال آيتن عامر مسلسل «جودر» فى شهر رمضان قبل الماضى، وشارك فى بطولته نخبة من النجوم منهم، ياسر جلال، نور اللبنانية، ياسمين رئيس، وفاء عامر، تارا عماد، أحمد بدير، عبد العزيز مخيون، علي صبحي، وليد فواز، وهو من تأليف أنور عبد المغيث، وإخراج إسلام خيري.