شن رضا عبدالعال نجم الكرة المصرية السابق، هجوما حادا البلجيكي يانيك فيريرا المدير الفني للفريق الأول لكرة القدم بنادي الزمالك، بسبب الدفع بثنائي الأبيض خلال مباراة فاركو في الدوري المصري.
وحقق الزمالك فوزًا صعبًا على نظيره فاركو، بهدف دون رد، في المباراة التي جمعت بينهما أمس الثلاثاء، ضمن منافسات الجولة الرابعة من مسابقة الدوري المصري.
وقال رضا عبدالعال في فيديو عبر صفحته الرسمية بموقع «يوتيوب»: «ليِّ عتاب على الأهلي والزمالك، إزاي تجيبوا اتنين مدربين زي دول، دول على باب الله، لا ده عارف إمكانيات لاعيبته في الأهلي، ولا ده عارف إمكانيات لاعيبته في الزمالك».
أضاف: «مدرب الزمالك (أ ب) كرة مش عارف كان مقعد شحاته وبنتايج بره ليه؟ أنا أكسب الأول وبعدين أجامل فتوح، وأنا مش فارق بـ 20 نقطة علشان أجامل».
وتابع: «إنت في حد بيقولك إن عبدالله السعيد ودونجا لازم يبدأو!، واحد فيهم بس اللي المفروض يبدأ.. ده الاتنين معدين الـ 70 سنة وكسور، مينفعش، كان لازم تحط عنصر شباب جنبهم».
وأكمل: «يعني جنب ناصر ماهر وشحاته حط واحد من الناس اللي بتجري، ولكن متبدأش بالثنائي ده، وبعدين فرقة بتلاعبك جيم مفتوح مش زي المحلة الـ11 واقفين ورا، ولكن أنت اللي بتلعب ببطئ».
وتابع رضا عبدالعال: «إزاي تبدأ بـ فتوح وهو بقالة سنة مبيلعبش، عايز تجامله إديله آخر ربع ساعة في الماتش، وشحاته ميقعدش لحد، وهو رقم واحد في مصر في الحتة دي واستايل أوروبي».
وأتم نجم الكرة المصرية السابق تصريحاته قائلًا: «محمد شحاتة بيقعد لعبدالله السعيد ودونجا ده أي الحزن ده، ده أحسن (هاف ديفيندر) في مصر وبيبقى شعلة نشاط في الملعب».