علق مجدي عبدالغني، نجم الكرة المخصرية السابق، على طلب أحمد مصطفى «زيزو»، جناح الفريق الأول لكرة القدم بالنادي الأهلي، من نادي الزمالك، الحصول على مستحقاته المتأخرة لدى النادي والتي تقدر بحوالي 82 مليون جنيه.
وقال مجدي عبدالغني، في تصريحات تلفزيونية عبر فضائية «الشمس»: «زيزو، الله يكون في عونه بيمر بمرحلة صعبة جدًا جدًا، مرحلة الفلوس الكتير اللي احنا بنسمعها دي ودي كفيلة تقطم وسط أي حد».
وأضاف: «في ناس على قد حالها وبتسمع الأرقام دي، بتحسد وفي منهم بيحسد وبيحقدعنوة وفي بيحسد غصب عنه، بيبص على الأرقام دي مع فارق المعيشة بتاعته».
وتابع: «أنا معرفش إيه اللي وصلنا للي احنا في ده، الزمالك مش معاه فلوس، ورغم كده زيزو بيقولك ليا 82.5 مليون جنيه! حسبي الله ونعم الوكيل، اللي كتب عقد بالرقم ده».
وأكمل: «ياعم العب بأشبال واخسر أحسن ما تجيب لعيبة وتكتبلها الأرقام دي، أنا بتكلم على الأهلي والزمالك، الأهلي جابلنا لعيبة فوق المليون دولار والدولار كان بـ 40 جنيه، جابولنا برونو سافيو بمليون و500 ألف دولار لعب ماتش واحد ومشي».