كشف حسام المندوه أمين صندوق نادي الزمالك، كواليس تعيين جون إدوارد في منصب المدير الرياضي، وتحدث عن رأيه في صفقات الفارس الأبيض الأخيرة، في فترة الانتقالات الصيفية الماضية
وأضاف المندوه، في حواره لـ«المصرى اليوم»، أن التجربة الجديدة في الزمالك تحتاج لدعم كامل من الجميع، حيث أن الأمر لا يقتصر فقط على دعم المجلس.. وإلى نص الحوار:
■ ما المقومات التي على أساسها تم تعيين جون إدوارد مديرا رياضيا؟
– «تم الاستقرار عليه من قبل مجلس الإدارة بالإجماع. شوفنا إن هو عنده خبرة كبيرة في الجانب الإدارى، حيث أسس فرقا كبيرة قبل كده وله علاقات محلية وعلاقات إقليمية جيدة جدًا، ومكلفش نادى الزمالك مبلغا كبيرا نظير التعاقد معه، وقال اللى هجيبه (تعاقدات) هاخد نسبة منه وده المتاح حاليًا في نادى الزمالك لا مش هقدر أتعاقد معاه بمبلغ مالى معيّن أنا ممكن في فترة ما اعرفش ألتزم بيه فبالتالى أنا محتاج اللى يتعاقد معايا في الفترة دى يكون بالشكل ده».
■ هل كان لدى المجلس تخوف من ردة الفعل على تعيين إدوارد؟
– طبعا كان في تخوف ولكن ده طبيعة شغلك. ولما جبنا أيمن الرمادى في فترة قصيرة وكنا بنراهن عليه والحمد لله نجحنا في حصد كأس مصر، وأقنعنا الرمادى بفكرة العمل في ناد بحجم الزمالك، على الرغم من حجم القلق الذي صاحب التجربة.
■ كيف ترى الصفقات الجديدة للفريق الأول؟
– إحنا شايفين برضه الصفقات الحمد لله جيدة وفى صفقة أو صفقتين لسه بنستكشفهم ونشوف الأمر بتاعهم عامل إزاى لكن شوفنا البرازيلى ألفينا عامل إزاى وشيكو بانزا عامل إزاى يعنى في حالة بتحصل.
■ ما هي أفضل صفقة في الميركاتو الصيفى؟
– هذا سؤال سابق لأوانه، لكن طبعا ألفينا لفت انتباهنا. وشيكو بانزا حماسى بشكل كبير والجانب البدنى عنده عالٍ جدا، وهياخد ثقته بنفسه بسبب الجون الأخير.