هاجم أحمد حمودة لاعب منتخب مصر الأول لكرة القدم، سابقا، وائل جمعة قلب دفاع منتخبنا الوطني السابق، بسبب تصريحات الأخير بشأن محمد صلاح قائد الفراعنة.
قال أحمد حمودة في تصريحات إعلامية عبر شاشة «المحور»: «وائل جمعة خانه التوفيق في تصريح ليه ببعض البرامج لما قال إن حكيمي أفضل من محمد صلاح ويستحق جائزة أفضل لاعب في أفريقيا».
وأضاف: «بعيدا يا كابتن وائل إنك كنت مدير الكورة في المنتخب واتعاملت مع صلاح، وبعيدا إنك كنت لاعب دولي، لكن انت بتمثل مصر في الاستديو ده. إزاي تقول كدة؟ بنيت كلامك على إيه؟».
وأشار: «محمد صلاح في سن 33 سنة حقق حاجات ما اتحققتش قبل كدة، وواخد هداف الدوري وأفضل لاعب في إنجلترا، وعمل إنجازات كتيرة»، مشيرا: «هل في حد من جنسية تانية هيطلع يقول عكس كلامك؟ والله ولا مغربي ولا تونسي ولا أي حاجة».
واستكمل: «على طول بيطلع يشكر في تريزيجيه، ويقول أهم لاعب، لو في مشكلة بينك وبين صلاح حلها يكون في الأوضة مش على العلن، وصلاح في حتة تانية».