انتقد أحمد سليمان، عضو مجلس إدارة الزمالك، يانيك فيريرا، المدير الفني للفريق الأول لكرة القدم بالنادي بعد تصريحاته الأخيرة ضد سيف الجزيري لاعب الفريق.
وكان فيريرا أكد خلال المؤتمر الصحفي بعد مباراة فاركو خروج الجزيري من حساباته نهائيًا، مشددًا أنه سيروي التفاصيل لاحقًا.
وقال أحمد سليمان عضو مجلس الإدارة في في مداخلة تليفزيونية على «إم بي سي مصر»:«موضوع الجزيري وارد يحصل بين المدرب واللاعب، الخلاف وارد، بس أنا طبعا معرفش إيه الأسباب اللي وصلته لكدا ولما سألت عرفت أن الموضوع من يومين ومكنش ظاهر إعلاميًا».
وتابع:«أنا بثق في المدير الرياضي ومساعده والمفروض الأمور تتحل، وفي الآخر دول لاعيبة أجانب وبندفعلهم فلوس ولو غلط يتعاقب أحنا بندفع مرتبات بالدولار».
وأضاف:«المدير الفني له مطلق الحرية في التغييرات والأماكن والبدائل والتعديلات ومعرفش وجهة نظره إيه، لكن طبعا أنه يقول دا في مؤتمر صحفي لا، أنا بعتب عليه لأن بعد المكسب المفروض مظهرش حاجة إحنا كلنا كنا محتاجين الفرحة، وبالتالي مكنش لازم نرمي التاتش دا، في حاجات ليها أوقات وفي حاجات بيتم مناقشتها في الغرف المغلقة مش على العام».