ياسمين عز: «محدش يستظرف على الأهلي.. في ناس آخر مرة خدوا بطولة أفريقيا كان زيزو في كي چي 2»

دافعت الإعلامية ياسمين عز عن النادي الأهلي، مطالبة بعدم السخرية من القلعة الحمراء بعد بدايته المتعثرة في الدوري الممتاز.

وقالت عز، خلال برنامجها «كلام الناس» عبر قناة MBC مصر، اليوم الخميس: «محدش يستظرف على الأهلي، اللي يقول عايزين شاشة موبايل طويلة عشان يشوف ترتيب الأهلي في الدوري، واللي يقول مفيش يغطس غطسة عشان يشوف ترتيب الأهلي».

وأضافت: «ما تنسوش نفسكم آخر مرة أخذتوا الدوري كان جرام الذهب بـ 700 جنيه، وآخر مرة أخدتوا بطولة أفريقيا سنة 2002 كان إمام عاشور عنده 4 سنين وزيزو كان في كي چي تو».

وتابعت: «مفيش مانع تفرحوا يومين عشان الأهلي راجع وهياخد الدوري، وأنتم إن شاء الله تحصلوا المركز التاني أو متحصلهوش، ممكن ياخدوا بيراميدز».

وعن إصابة إمام عاشور لاعب الأهلي بفيروس «A»، قالت عز: «إمام عاشور لازم يغير اسمه يبقى إمام آشور نسبة للحضارة الآشورية عشان يصد العين زي ما بيصد الكرة».