مطلوب قرار.. امتحان قدرات للالتحاق بالثانوي العام والجامعات

من أجمل الجمل التى تقال فى بعض المواقف الصعبه فى العامية عندنا ( دى حاجة عايزة قرار من فوووق ) وما أجملها جملة.. احنا فى وقت محتاجين فيه قرارات حازمة رادعة منصفة.. 
الرئيس هو الحل فى كل الأوقات.. وما أجملها قرارات عندما تأتي من الرئيس.. دايما قرارت عزيز مصر هى الثقة والأمان والراحة.. يكفينا جملته الثابته الواضحة للجميع ( م تصدقوش حد غيرى ) وقبل ان نبدأ فى بعض النقاط كل التحية والتقدير للقيادات الأمنية على جهودها فى اعمال الامتحانات وربنا معاهم ويقويهم.. 

ماذا نتمنى من قرارات: 
١- بعدز ظهور نتيجة تالته اعدادى نتمنى اجراء امتحان قدرات لمن يتم قبول مجموعهم بالثانوى العام فى مقار الجامعات واللى يجيب ٦٥ % فيه يدخل ثانوى عام ويكون امتحانهم بالجامعات وتحت اماكن مراقبه بالكاميرات.. بخلاف ذلك مطلوب شهر بالاجازة الصيفية لجميع طلاب المرحلة الثانوية اسمه شهر التربية العسكرية.. الجيل ده محتاج انضباط اكتر..

٢- بعد ظهور نتيجة تالته ثانوى نتمنى اجراء اختبارات قدرات علمية او هندسية واللى يجيب ٧٠% فيه يستحق الاستمرار فى كليات المجموعه الطبية او الهندسية.. غير كدا لا يتم استمراره.. يكفينا ما حدث فى الأعوام الأخيرة من نتائج غير مرضية بالصف الأول فى بعض من كليات الطب والصيدلة والهندسة..

٣- التنبيه بوقف زيادة اسعار الخدمات لمنع التضخم والتثبيت او تخفيض الفائدة.. لان زيادة التضخم يعنى زيادة الفائدة يعنى الغنى اللى معاه فلوس بالبنك مستفيد والفقير بيدفع الضريبة غلاء وعدم القدرة على اساسيات الحياة.. 

٤- الغلاء والتضخم نقدر تحاربهم بسهولة.. ح تخسر ١٠ او ٢٠ مليارا، لكن لما تثبت التضخم او تقلله وتقلل الفائدة تخيل كل ١% نزول ف الفائدة ح توفر ١٠٠ مليار.. احيانا البيع بالخسارة مكسب..

٥- هناك تصريحات لبعض المسؤولين على مواقع التواصل تقول اننا فى حاجة الى ٨ او ٩ مليارات دولار تمويلات خارجية فى العام المالى ٢٦ / ٢٧.. لو صحت تلك التصريحات.. ف هناك سؤال واضح جدا.. هل لو رحل ضيوف مصر إلى بلادهم سنحتاج الى تلك التمويلات.. اليس رحيلهم الى بلادهم موفر ومفيد للاقتصاد المصرى ؟

مطلوب منعهم من استخدام المواصلات العامه او المستشفيات العامه او اى مرفق عام لأنها مدعومه للمصريين فقط.. عاملوهم بالسعر العالمى.. لانه مش منطقى اجيب ضيف وابحث عن تمويل مصدر غذاؤه او الخدمات التى تقدم له وبيتي يتحمل ويعاني من أجل هذا الضيف..