هو الاقتصاد المصري رايح على فين وايه القطاعات اللي بتقوله للانطلاق وايه عوامل قوته وانطلاقه في الفتره الجايه وازاي هيغير خريطة التجارة في المنطقة.
رغم أن مصر لسه بتعاني اقتصاديا ومن ارتفاع الأسعار والتضخم بسبب أحداث روسيا وأوكرانيا في 2022 واللي حصل بعدها من توترات وارتفاع الأسعار عالميا وأزمة الدولار وغيرها من الأزمات اللي كلنا عارفينها لكن مصر قدرت تحول المحنة الصعبة جدا لمنحة كبيرة جدا وقدرت تأسس اقتصاد حقيقي قوي قائم على التصنيع والإنتاج وبيشجع التصدير وبيزيد حجم التجارة الدولية وبيجذب استثمارات ضخمة في كل القطاعات وتحقيق الاكتفاء الذاتي من سلع كتير جدا وآخرها السكر وكل دا هيودينا في الاخر لتوافر الدولار بقوة في السوق المصري ومتوقع يوصل ل300 مليار دولار سنويا كايرادات الدولة خلال سنتين تلاتة حسب كلام الدكتور مصطفى مدبولي..
طيب ايه الفرص والقطاعات الواعدة في الاقتصاد المصري ؟
من غير مبالغة كل القطاعات الاقتصادية في مصر واعدة ومربحة جدا لاي مستثمر زي الاستثمار في السياحة والعقارات والطاقة والتجار والصناعة والزراعة والتعهيد وغيرها.. لكن النهاردة هتنتكلم عن 3 قطاعات مصر بتراهن عليهم في إظهار قوتها الاقتصادية أولها القطاع السياحي واللي بينمو بشكل كبير جدا جدا ومصر قربت على رقم 17 مليون سائح في السنة المالية الحالية والسياحة من اكتر القطاعات اللي بتدخل عملة صعبة وقادرة تدخل ضعف الرقم دا في وقت قريب والسياحة يعني فنادق ومنشآت ومطاعم ومستشفيات ونقل وطرق وصناعات مغذية وعشان كده سموها قاطرة الاقتصاد عشان بتشتغل صناعات وقطاعات تانية كتير جدا وغير إنها بتستوعب طاقة بشرية كبيرة في التوظيف.
الحقيقة القطاع السياحي من ساعة تعمير الساحل الشمالي وظهور العلمين الجديدة وبعدها صفقة رأس الحكمة قبلها ومشروعات السياحة في البحر الاحمر وافتتاح المتحف المصري الكبير وقبله متحف الحضارة والتطوير الكبير اللي حصل والنقلة النوعية غير المسبوقة بيقول إن مصر هتتحول لوحش سياحي في المنطقة والعالم وهتدخل مليارات الدولارات كل سنة..
القطاع التاني اللي مصر بتعوب عليه في الانطلاق هو القطاع العقاري واللي مصر بتجري فيه بشكل كبير جدا لأنه زي السياحة قطاع بيشغل آلاف المصانع اللي بتنتج الصناعات المغذية زي البويات والادوات الكهربائية والصحية والأخشاب والالوميتال والمفروشات والأثاث غيرها وكمان بيوفر ملايين من فرص العمل في كل القطاعات دي ومصر في السنين الأخيرة اقتحمت سوق العقار الفاخر وبقت رقم مهم في تصدير العقار بمعني بيعه بالدولار وتحقيق دخل ضخم هيساهم في توفير العملة الصعبة وفي نفس الوقت بناء ثروة عقارية ضخمة جديدة.
القطاع التالت اللي مصر بتعتمد عليه في قوتها الاقتصادية الجديدة هو قطاع الطاقة واللي بيشمل هنا طاقة البترول والغاز والهيدروجين الاخضر وشفنا بالارقام والمليارات حجم اللي بيحصل في القطاع دا سواء في مجال التنقيب والاستكشاف عن البترول والغاز واللي يتم في طول مصر وعرضها وبتهدف لتحويل مصر لمركز إقليمي في الطاقة والوقود وكمان مصر مرشحة تكون مركز عالمي في إنتاج الهيدروجين الاخضر طاقة المستقبل وعقدت بالفعل صفقات بمليارات الدولارات لإنتاج الهيدروجين.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
