حنفية الاستثمارات اتفتحت والسر في تحركات الحكومة، ده كان مخلص المشهد الاقتصادي في الأيام الأخيرة، خاصة بعد ما استغلت الحكومة المصرية منتدى "دافوس" عشان تبني شراكات مع دول أوروبية صاحبة اقتصادات كبرى، وبالفعل نجح عدد من وزراء الحكومة في إبرام صفقات من العيار التقيل وقدروا يجذبوا استثمارات قوية للسوق المصري.
ومن أهم الوزراء دول، هي الدكتورة رانيا المشاط وزيرة التخطيط والتنمية الاقتصادية والتعاون الدولي، واللي وقعت مع وزير الاقتصاد في سويسرا، اتفاق تأسيس اللجنة الاقتصادية المُشتركة بين مصر والاتحاد السويسري، وده حصل على هامش منتدى "دافوس" العالمي.
وبعد الاتفاق ده، فهنقدر نشوف قريب شراكة اقتصادية جديدة بين مصر والاتحاد السويسري في مجالات اقتصادية واستثمارية وتجارية كتيرة، وده بالتأكيد هيقدر يدفع جهود التنمية الاقتصادية المشتركة بين البلدين، وهيعزز اقتصادهم.
واللجنة الاقتصادية المشتركة دي، هدفها إنها تشتغل على تعزيز التبادل التجاري، وتسهيل استثمارات الشركات في البلدين، وكمان تستكشف الفرص الجديدة للوصول إلى الأسواق العالمية، وكمان هتعالج التحديات وهتدفع العلاقات الاقتصادية الثنائية.
ودور اللجنة مش هيقف على كده، ده كمان هتقوم بتقييم وتحديث الاتفاقيات الاقتصادية الحالية بين مصر وسويسرا، وتشتغل على تحسين تطبيقاتها بما يتماشى مع احتياجات واهتمامات الطرفين.
وفي الفترة الجاية، هنقدر نسلط الضوء على المجالات الاقتصادية المهمة للبلدين، ونسهل تبادل الخبرات والممارسات بين المتخصصين في المجالات الاقتصادية المختلفة، زي القضايا التجارية.
ونقدر نقول إن بموجب الاتفاق ده، هتشتغل مصر وسويسرا على تعزيز ودفع العلاقات الاقتصادية الثنائية، وهنقدر نوفر منصة لتبادل المعلومات عن كل ما يخص بالتجارة الثنائية وكمان قضايا الاستثمار، وكل ده بالتأكيد هيقدر يدعم التمويل من أجل التنمية.
كمان نتائج التعاون ده ممكن تتجسد في مجالات، زي تنمية القطاع الخاص والبنية التحتية وتقوية المؤسسات الاقتصادية، عشان كده بتسعى البلدين لتوسيع محفظة التعاون عشان تشمل مجالات وأهداف تانية كتيرة، زي دعم الإصلاحات الاقتصادية، وتحسين بيئة الأعمال، وزيادة فرص العمل، وتعزيز التنمية الحضرية المستدامة، وكمان تعزيز التكيف مع تغير المناخ، وتطوير المهارات الفنية في مختلف القطاعات.
وطبعا كل ده بيساهم بشكل فعال في تحقيق أهداف التنمية المستدامة وتعزيز الاقتصاد المصري بشكل كبير.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
