ايه اللي بيحصل في طابا وإيه حكاية المشروع الجديد اللي بيتعمل هناك وإزاي هينهي أحلام الواهمين في إضعاف قناة السويس وإزاي المشروع بيعتبر ضربة معلم في الوقت المناسب.
بين كل فترة والتانية نسمع عن مشروعات بديلة لقناة السويس لكن مفيش مشروع في العالم يقدر يحل محل القناة المصرية ودا لأنها هتفضل أهم وأقصر طريق للتجارة البحرية بين الشرق والغرب وأي كلام عن مشروعات بديلة مكلف جدا وصعب يتحقق على أرض الواقع.
وخلونا متفقين إن السبب الرئيسي وراء طرح المشروعات البديلة لقناة السويس هو نزع أهم أسلحة التجارة من مصر وأهم ادوات القوة عندها وعشان كده كل مشروع بديل بتلاقي فيه دولة أو اتنين من الدول المعادية لمصر وأخر المشروعات دي اللي طرحه الرئيس الأمريكي السابق بايدن وأطلقوا عليه ممر بايدن وبيهدف لنقل البضايع من اقصى الشرق لأوربا عبر قناة أو ممر بن جوريون وبعيدا عن قناة السويس لكن التصور العملي بتاعه شبه مستحيل لكن فيه أطراف معادية مصرة تنفذه نكاية في مصر لغاية اللي حصل في طابا.
طيب إيه اللي حصل في طابا؟
شوف ياسيدي من ساعة الاعلان عن ممر بايدن دا ومصر بتفكر تعمل إيه عشان تجهضه وفعلا لقت الحل وهو مشروع ميناء طابا البحري واللي تم الاعلان الرسمي عنه وهيشكل نقلة نوعية في تنمية شبه جزيرة سيناء وربطها بالأسواق الإقليمية والدولية وهدف المشروع دعم التجارة والسياحة وتحويل سيناء إلى نقطة ارتكاز اقتصادية والأهم إنه ليه بعد سياسي واستراتيجي مهم في ظل المحاولات الإسرائيلية لإنشاء بديل لـ قناة السويس عبر مشروع "ممر بن جوريون".
الحكاية بدأن لما الرئيس عبد الفتاح السيسي أصدر قرار جمهوري رقم 35 لسنة 2025 بتخصيص 52.5 فدان في جنوب سيناء لصالح الهيئة العامة لموانئ البحر الأحمر لإنشاء ميناء طابا البحري والمشروع بجانب أهميته السياسية بيعتبر جزء من خطة تنموية شاملة تستهدف تحسين البنية التحتية في سيناء، بما يسهم في دعم الحركة التجارية والاقتصادي ودا بسبب الموقع الاستراتيجي الفريد لميناء طابا على خليج العقبة ودا بيخليه نقطة حيوية للتبادل التجاري والسياحي بين مصر ودول المنطقة خاصة السعودية والأردن والإمارات وهيمثل نقلة نوعية في التبادل التجاري والتصدير من الدول دي إلى الخارج كمن خلال الميناء المصري واللي بيقصر الطريق على الصادرات وفي نفس الوقت بيدفن أأحلام قوى الشر اللي بتكيد لمصر وفي نفس الوقت بيرسخ لقوة مصر التجارية في المنطقة.
كمان ميناء طابا بيعتبر نقطة دخول رئيسية للسياح القادمين من دول الخليج والأردن وتعزيز حركة السياحة في شرم الشيخ ودهب ونويبع، ومن المتوقع إن الميناء هيستقبل سفن سياحية كبرى بخلاف جذب استثمارات عالمية جديدة للمنطقة ونقدر نقول إن مصر هتبني رأس حربة تجارية في أقصى حدودها.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
