المواني واللوجستيات اللي اتعملت في مصر بتعتبر فخر البنية الأساسية في عصر الرئيس السيسي واللي بسببها مصر بقت قبلة الاستثمارات العربية والأجنبية.. ياترى ليه.
الدولة قدرت تعمل بنية أساسية حديثه ومتطورة وخاصة في قطاع النقل بكل أنواعه بري وبحري وجوي كمان وكلامنا النهاردة عن النقل البحري واللوجستيات لأن مصر عملت ملحمة في قطاع النقل البحري تحديدا وبقت بمثابة أنياب اقتصادية لمصر ودا بفضل الموقع الجغرافي الفريد لمصر واللي عمل قيمة مضافة للنقل البحري والمواني المصرية وعشان كده المواني المصرية استقبلت استثمارات عربية ضخمة وخاصة من الامارات وقطر ودا لتحويل المواني دي لمراكز عالمية في التجارة الدولية ومحور دولي لنقل السلع والبضايع.
الجديد في ملف المواني واللوجستيات هو اللقاء الأخير اللي كان بين الفريق مهندس كامل الوزير، نائب رئيس مجلس الوزراء للتنمية الصناعية وزير الصناعة والنقل مع السفير طارق بن علي فرج الأنصاري، سفير دولة قطـر بالقاهرة واللي بحث فيه سبل تعزيز التعاون بين البلدين في مجالي الصناعة والنقل.
وكشف الوزير إن فيه عدد من الشركات القطرية زارت ميناء غرب بورسعيد في الفترة الأخيرة واتفقوا مع الجانب المصري على رغبتهم الأولية في الحصول على نسبة مشاركة في الميناء وغير دا الجانب القطري مهتم كمان بالاستثمار في محطات الصب وميناء الماكس ودا اللي هيناقشه كامل الوزير في زيارته المنتظرة للدوحة.
الحقيقة دا مش كل حاجة لأن الاستثمارات القطرية في مصر هتشهد قفزة في الشهور الجاية ودا بسبب توجه كتير من المستثمرين القطريين للتصنيع في مصر خاصة وأن فيه فرص متميزة قدامهم لإقامة شراكات صناعية سواء من خلال إقامة مصانع مصرية قطرية مشتركة في مصر أو مصانع قطرية خالصة تعمل في السوق المصري ودا هيكون في الصناعات المستهدفة اللي حددتها وزارة الصناعة واللي بتضم حوالي 23 صناعة واعدة تحرص الوزارة على تشجيع المستثمرين الأجانب والمحليين على ضخ استثمارات جديدة فيها لتلبية احتياجات السوق المصري منها والتصدير للخارج.
وسبق واستقبل الفريق مهندس كامل الوزي جاسم بن سيف السليطي، وزير المواصلات القطرى وكان فيه كلام على تعاون كبير في قطاعات النقل والصناعة وزيادة حجم الاستثمارات القطرية فى مصر وخاصة فى مجال الصناعة ووقتها أكد المسؤول القطري إن الفترة الجاية هتكون فيها ضخ لاستثمار ضخمة في قطاعات كتير والبداية هتكون بقطاع المواني واللوجستيات ومحطات الصب والحاويات والصناعة بجانب الأدوية والقطاع السياحي.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
