يا ترى إيه اللي بيحصل في حقل "بدر-1" اللي شغالة فيه وازرة البترول دلوقتي، وليه الوزارة مهتمة في الفترة الأخيرة بزيادة أعمال الحفر واستشكاف الآبار الجديدة، هل فعلا بتطبق تكليفات القيادة السياسية في الملف ده، طب هل ممكن توصل لهدف تحقيق أكبر معدلات الإنتاج من الغاز والبترول قريب.
في الساعات الأخيرة، وزير البترول والثروة المعدنية المهندس كريم بدوي، أعلن عن وصول أعمال استشكاف الغاز والبترول لنتايح غير مسبوقة في الفترة الأخيرة.
والوزير ماقلش الكلام ده من فراغ، لأ ده كان دعم القيادة السياسية المستمر وإشادة رئيس مجلس الوزراء باللي حققه العمال في قطاع البترول، أكبر دليل على زيادة في الإنتاج غي الفترة الأخيرة، وكان ده حافز كبير لاستمرار جهود الوزارة في في تكثيف أعمال الاستكشاف والإنتاج.
ودلوقتي، أعمال الحفر بتركز على استخدام التكنولوجيا الحديثة والدراسات والبيانات وإعادة التقييم للاستفادة من الفرص والإمكانات اللي بتتمتع بها منطقة الصحراء الغربية عشان نقدر نحقق زيادة وفائض في الإنتاج، خاصة وأن أي برميل أو قدم مكعب إضافي في الإنتاج مهم جدا للاقتصاد المصري، لأنه مش بس بيقلل فاتورة الاستيراد، لأ ده كمان بيوفر الدولار وبينعش خزينة الدولة.
طب إيه بقى قصة حقل غاز " بدر-1"؟
بص يا سيدي، حقل "بدر" ده واحد من أهم مؤشرات نجاحات وزارة البترول في الفترة الأخيرة، لأنها اكتشفته في منطقة بدر-1 من خلال البير الاستكشافي 10-2X، اللي بيعتبر استكمال لنجاح البير الاستكشافي 10-1X،.
وتم اختبار البير ده كويس، ووضعه علي الإنتاج، لأنه ببنتج حوالي 20 مليون قدم مكعب يوميًا، واحتياطياته بتوصل ل 15 مليار قدم مكعب غاز ونصف مليون برميل متكثفات، وكمان بيعمل احتياطيات غير منماة من باقي الطبقات بتقدر بنحو 60 مليار قدم مكعب غاز، و3 مليون برميل متكثفات، وده سبق كبير لمصر.
ونقدر نقول إن أكبر معدلات الإنتاج من الغاز بتيجي من "حقل بدر-1"، لأن حصل زيادة في الإنتاج فيه بحوالي 160%، ودي نتيجة ممتازة جدا.
وبناء على الكشف الجديد ده، فتم وضع خطة طموحة للحفر لمدة سنتين قدام، يعني ببساطة هيتم حفر 3 آبار استكشافية و 4 آبار تنموية، بالإضافة لإعادة إكمال 12 بير، وبكده تقدر قول إن تم تحويل حقل بدر من حقل لإنتاج الزيت الخام بس على مدار 40 سنة إلى إنتاج الزيت والغاز الطبيعي والمتكثفات.
كمان، وزارة البترول والشركات التابعة لها، دلوقتي بتبذل كل الجهود عشان تسرع في تنفيذ خطط مشروعات التوسعات بميناء الحمراء البترولي، وكمان خطط تداول الزيت الخام خلال العام المالي الجاي، ومتوقع استقبال وتداول كمية قدرها 80 مليون برميل من الزيت الخام بتسهيلات ميناء الحمراء، وكمان شحن كمية قدرها 31 مليون برميل عن طريق التسهيلات البحرية وإمداد معامل تكرير البترول بكمية قدرها 65 مليون برميل.
دلوقتي كمان، بيتم إنشاء 4 مستودعات لتخزين وتداول الزيت الخام بسعة 630 ألف برميل لكل مستودع، عشان نقدر نوصل بالسعة الإجمالية لميناء الحمراء نحو 5.3 مليون برميل، وده بعد ما نسب التنفيذ الفعلية تجاوزت 50%، فبيستمر العمل عشان نقدر ندخل المستودعات دي للخدمة في أقرب وقت، عشان تساهم هي كمان في تعزيز وزيادة الطاقات الإنتاجية لمصر من الغاز والبترول قريب جدا.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
