أكد الإعلامي عمرو أديب، أن الاحتلال الإسرائيلي يدفع الفلسطينيين إلى مرحلة اليأس، مشيرا إلى أن اتفاق الهدنة أصبح قريب من الانهيار.
وقال أديب خلال برنامج "الحكاية" المذاع على قناة "إم بي سي مصر": "اتفاق الهدنة أنهار أو بينهار ونحن قوب قويسين أو أدنى والمفاوض المصري بيبذل مجهود كبير للحفاظ على الاتفاق، حماس وجدت بنود كثيرة لا يتم تنفيذها وحماس بتقول ألتزمنا بكل البنود".
وأضاف: "أنت تاني بترجع الناس لمرحلة اليأس القاتل، أنا كل اللي عايزه منك أنك تسبني أموت في سلام، أنا كل اللي طالبه منك أن تتركني اتعذب في هدوء أنا قلت لحضرتك أنا هرجع للأطلال والركام وأتركني مع أحزاني والشتاء القارس، ومع الأطلال أموت في حزن وسلام حتى دا يا أخي أنت مش عايز تسيبهم فيه".
وتابع: “هما بيقولوا المعونات مش بتدخل زي ما اتفقنا والخيم متبتدخلش والمعدات الطبية والأدوات اللي محتاجينها مبتدخلش المعدات الطبية والأدوات اللي محتاجينها للحياة مبتدخلش وبعدين يجي حد يسألك بعد كده يقولك إيه ده هما الفلسطينيين رجعوا للمقاومة ليه، هما بيعملوا عمليات عسكرية مرة تاني ليه؟ مين اللي شجع حماس أنها تظهر مرة أخرى وتحمل السلاح؟ بصراحة اللي عمله الأمريكان والإسرائيليين في الأسبوع اللي فات ده ميخليش حد أبدا يفكر أنه يسلم ما خلاص ما هي بايظة بايظة”.
وأوضح: "ضربوا الفلسطيني على بلده قال خربانه خربانه أنا كل اللي اللي طلبته منك في الهدنة دي هرجعلك الناس بتوعك وشوية ناس هرجعهم لأهلهم دا أنت يا راجل يا كافر قلت اللي يرجع ميفرحش أنت عايز تعمل إيه في الناس تاني؟".
وواصل: "من ناحية أخرى الرئيس الأمريكي استفزاز غير طبيعي هل لاحظتم الدول اللي مفروض كان طبعها هادئ كله مولع وكله قرر أنه يأخد منه موقف الكلام اللي بيتقال والاقتراحات المستفزة المتكررة يا جدعان أمريكا دي المفروض عندها كتاب فيه 40 ألف فصل كل فصل خاص بدولة وفجأة فصول الكتاب أصبحت غزة وغزة أصبحت أشهر اسم لقطعة أرض في العالم".
