مصر عملت انجازات كبيرة في قطاع الكهرباء من الطاقات المتجددة خصوصا في محطة بنبان.. ومصر حاليا بتجهز مفاجاة كمان مش هتقل عن محطة بنبان.. ياتري اية هيا المفاجاة دي... والاستثمارات الموجودة فيها هتوصل لكام.
مصر في الوقت الحالي بتشهد اعلي اقبال في تاريخيها لشركات القطاع الخاص للدخول في استثمارات الطاقات الجديدة والمتجددة، خصوصا أن كل الشركات عندها رغبة في الاستفادة من التحفيزات اللي طرحتها الحكومة المصرية للقطاع الخاص للاستثمار في مصادر الطاقة المتجددة، واللي بتشمل تخصيص الأراضي للمستثمرين، وكمان شراء الطاقة بعد انتاجها وبيكون جزء منها بالجنبة المصري والجزء الثاني بيكون بالدولار.
التحفيزات الكبيرة اللي قدمتها الحكومة لدخول القطاع الخاص للاستثمار في الطاقات المتجددة واللي مش موجودة في اي دولة في العالم خصوصا أن مفيش دولة هتقدم تسهيلات في الحصول علي الاراضي وكمان هتشتري الطاقة بعد انتاجها يعني المستثمر هيكون ضامن انه ياخذ ارض وكمان يبيع الطاقة اللي هينتجها، خصوصا أن مصر عندها مساحات كبيرة تصلح لاقامة مشروعات طاقات جديدة ومتجددة.
طيب اية المشروع الجديد اللي الدولة هتعمله واهداف الدولة منه اية؟.
مصر في السنين اللي فاتت عملت اكبر محطة للطاقة الشمسية في مدينة بناء واللي الانتاج بتاعها بيوصل لـ90% من اجمالي الطاقة اللي بينتجها السد العالي، وكمان النوع ده من الطاقات بيكون مش مكلف بالنسبة للدولة وهيقلل من الوقود الأحفوري واللي هو عبارة عن الغاز الطبيعي والمازوت واللي المحطات بتحتاجه علشان تشغل الطروبينات، وكمان بيحافظ علي المناخ وبيقلل من انتاج ثاني اكسيد الكربون.
مصر حاليا بتحاول تكرر تجربتها الناحجة في مشروع محطة بنبان للطاقة الشمسية، والتجربة الجديدة هتكون مع تحالف شركات مصدر وإنفينيتي باور حسن علام، واللي هينفذوا محطة لانتاج الكهرباء من الطاقة الشمسية علي مساحة 20 كيلومتر مربع في مدينة الواحات لإنتاح 900 ميجاوات، وفعلا التحالف الجديد انتهي من دراسات السطوع الشمسي والدراسات الخاصة بتنفيذ المشروع.
المشروع الجديدة لتوليد الكهرباء من طاقة الشمس هيتم الانتهاء منه في النصف الثاني من 2025، وده هيعزز من قدرات مصر من الطاقات الجديدة والمتجددة، وكمان هيوفر لمصر مليارات الدولارت كانت الدولة بتستخدم علشان تستورد غاز طبيعي ومازوت من الخارج لتشغيل محطات توليد الكهرباء العادية.
التعاون بين وزارة الكهرباء والطاقة المتجددة واللي هيكون في محطة الواحات مش أول تعاون يحصل، لا ده الشركة لها سابقة أعمال بتنفيذ محطة شمسية في منطقة بنبان في محافظة أسوان واللي هيا بقدرة 300 ميجاوات ، وهيتم الانتهاء منها بعد نهاية 2025، والاستثمارات المبدئية للمحطتين هتوصل لأكثر من مليار دولار.
الهدف الرئيسي لمصر من المحطات الجديدة هو زيادة الانتاج المحلي من الكهرباء، وده هيقلل من المبالغ اللي بتصرفها مصر لتوفير الوقود، وكمان هتكون باب دولاري لمصر للخارج خصوصا أن مصر حاليا عندها اكثر من خط ربط كهربائي مع دول خارجية زي السعودية واليونان وقبرص وليبيا والسودان والأردن.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
