مصر بتحاول بكل الطرق أنها يكون معندهاش أزمة دولار مرة تانية.. ياتري مصر هتحقق المعادلة دي ازاي.. واية هيا المصادر اللي مصر هتوفر منها دولار علشان ميحصلش عندها أزمة عملة أجنبية.
طبعا كلنا فاكرين الازمة الكبيرة اللي حصلت مصر مع نهاية 2023 وبداية 2024 واللي كانت قايمة علي نقص العملات الأجنبية في البنوك الوطنية، واللي متحلش الا لما الحكومة وفرت وقعت صفقة الاستثمار السياحي في راس الحكمة واللي دخلت لمصر 35 مليار دولار كايرادات بشكل مباشر، والقرار اللي تبع التوقيع وهو تحرير سعر صرف الجنية المصري مقابل العملات الأجنبية بشكل مرن وده اللي قضي علي السوق السودا في التجارة بالدولار في مصر خصوصا أنه كانت واخذ كله السيولة الدولارية اللي مع الناس خصوصا الناس للي لهم أو عندهم مصريين شغالين برا مصر وبيحولوا لأهاليهم فلوس بالدولار.
طيب ازاي مصر هتمنع حدوث أزمة جديدة في الدولار في الفترة اللي جاية؟.
مصر حاليا بتحارب أي احتمالية لوجود أزمة جديدة للدولار، والحكومة حطت خطة وبدأت تطبقها أولها كان دعم الصناعة المصرية وتخفيف الضغط علي الدولار في الاستيراد وتشجيع التصدير، وفعلا الحكومة شكلت لجنة لحل مشاكل الصناعة المصرية برئاسة الدكتور مصطفي مدبولي رئيس مجلس الوزراء وعضوية عدد كبير من الوزارات، واللجنة دي هدفها بحث مشاكل المصانع اللي توقفت عن العمل في السنين اللي فاتت، وهدفها تذليل كل المشاكل اللي بتواجهة الصناعة المصرية ووضعت حلول مناسبة لها، وفعلا الحكومة نجحت في حل عدد كبير من مشاكل الصناعة المصرية خصوصا صناعة السيارات وعودة تشغيل واحدة من اقدم شركات تصنيع السيارات في مصر والشرق الاوسط وهيا شركة النصر للسيارات واللي هتبدأ تشتغل من تاني في تصنيع السيارات خصوصا أن الفاتورة الاستيراد لمصر من السيارات بتوصل لرقم ضخم.
مصر كان شكلت لجنة لدعم صناعة السياحة في مصر، خصوصا أن السياحة بتعد واحدة من اهم مصادر الدخل الدولاري لمصر من الخارج، ومصر عندها خطة أنها توصل لـ30 مليون سائح وتحقق 30 مليار دولار كايرادات من القطاع في 2028، ومصر فعلا تبدأ تجهز للخطة وطورت اغلب الخدمات اللي بيجتاجها السائح وقت زيارته للمواقع الاثرية، وكمان نفذت وطورت عدد كبير من المواقع الآثرية علي مستوي الجمهورية علي راسهم المتحف المصري الكبير واللي هيتم افتتاحه بشكل رسمي السنة دي واللي هيكون سبب اساسي وجوهري في تعظيم وزيادة حركة السياحة اللي جاية مصر بغرض الزيارة.
تالث حاجة الحكومة شغالة عليها حاليا، هيا زيادة الخدمات المقدمة للمواطنين واللي هيا نسبة كبيرة منها بتكون معتمدة علي الاستيراد الخارجي زي البترول والغاز الطبيعي، والحكومة فعلا في الفترة اللي قاتت قدرت أنها تعظم وتعلن عن عدد كبير من الاكتشافات البترولية وبسبب مصر وفرت أكثر من 1.5 مليار دولار كانت الدولة مخصصاهم لاستيراد البترول والغاز الطبيعي من الخارج.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
