يا ترى إيه قصة الثورة الصناعية المصرية اللي بقت على الأبواب، وإزاي الفريق كامل الوزير بيراهن على تحقيق المعادلة دي في أسرع وقت، وإزاي هيحول الصناعة المصرية عشان تكون قاطرة التنمية والداعم الأول للاقتصاد المصري في الفترة الأخيرة.
طبعا الفريق كامل الوزير من أنشط وزارء الحكومة وخاصة المجموعة الاقتصادية، فبجانب إنه نائب رئيس الوزراء للتنمية الثناعية، فهو معاه حقيبتين مهمين جدًا، وهما النقل والصناعة، واللي قدر يحول النقل لحصان رابح للتنمية في السنين الأخيرة، ويحول هيئات الوزارة زي هيئة السكة الحديد من الخسارة للربح، فهو قادر يحل مشاكل المصانع المقفولة ويرجعها تاني لخريطة الإنتاج عشان تدخل ضمن عوامل تحقيق التنمية.
ونقدر نقول إن التوجه الحالي هو إن تكون الصناعة قاطرة التنمية، وحاليًا القطاع الصناعي بيشهد طفرة كبيرة خلال الشهور الأخيرة، من خلال حل لمشاكل عدد كبير من الصناع والمصانع المتوقفة، بالإضافة لوجود استراتيجية واضحة للتصدير والسياسات المالية بالدولة والإعلان بصورة مستمرة عن الفرص الاستثمارية بقطاعات الدولة الصناعية المختلفة وبصفة خاصة المناطق الصناعية الجديدة في المدن الساحلية.
كمان، بناء مصر الصناعية الحديثة بيتطلب رؤية استراتيجية متكاملة بتستند للتكنولوجيا المتقدمة، والتسويق العالمي الفعال وتعزيز سلاسل الإنتاج المحلية، وحاليًا المجموعة الاقتصادية في مصر شغالة بتناغم كامل عشان تحقق تقدم تكنولوجى ونهضة صناعية اقتصادية كبيرة الهدف ، خاصة وأن الصناعة هي قاطرة التنمية الحقيقية، وتمثل العمود الفقري للاقتصاد المصري.
ونقدر نقول إن القيمة المضافة العالية، والتخصص في الصناعات المستقبلية وإنشاء المناطق الصناعية المتكاملة، هي العوامل اللي هتحسم نجاح النهضة الصناعية المصرية، خاصة وأن الخريطة الصناعية العالمية بتتغير بشكل سريع، ده بجانب التكنولوجيا والتحول الرقمي اللي أصبحت عوامل رئيسية في الإنتاج والتنافسية.
ومن هنا، فمصر بتمتلك كل المقومات اللازمة اللي تأهلها أنها تكون مركز صناعي إقليمي ودولي كمان، لأنها بتمتع بالموقع الجغرافي المتميز والكوادر البشرية المؤهلة والاتفاقيات التجارية اللي هتفتح أبواب الأسواق العالمية أمام المنتجات المصرية، وده بيعزز فكرة إن الصناعة هي أساس النهضة الاقتصادية المستدامة، وأن تطوير القطاع الصناعي هياسهم في زيادة الصادرات وتقليل الاعتماد على الواردات وتوفير ملايين فرص العمل للشباب.
وكمان الصناعات المستقبلية زي مثلا الصناعات الذكية والصناعات الخضراء وصناعة البرمجيات والإلكترونيات هي المجالات اللي هتستثمر فيها مصر في الفترة الجاية عشان توصل لنتايج متميزة، ونقدر نحقق الهدف المرجو وهو إن الصناعة تكون قاطرة التنمية.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
